Yowele 3:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Tulai miele ya nvita ku nkasu yenu, tulai mafuma ku miele yenu ya kulengesha nʼai mionshi ya tumuma; muntu mutekete ambe biandi ne, Ndi muena bukitu.

Yowele 3:10 Marejeleo ya Msalaba

2 Kulondolola 25:8

Kadi biwaya, wikale ne mutshima mukole bua kuluangana; bualu bua Nzambi neakuhoneshe ku mpala kua bena lukuna; bualu bua Nzambi udi ne bukole bua kukukuatshisha ne bua kukuhonesha nʼabu.

Yeshaya 2:4

Yeye nealumbulule bilumbu bia munkatshi mua bisamba bia bantu, neakosele bantu ba bungi bilumbu biabo; bobo nebafule nkasu ya kudima nʼai ku miele yabo ya nvita, nebatule miele ya kukosa nʼai matamba mafubidila a mitshi ku mafuma abo; tshisamba tshikuabo katshiena tshibisha muele wa nvita bua kuluisha nʼau tshisamba tshikuabo, ne kabena bayila lungenyi lua kuluangana nʼalu nvita kabidi.

Yirmeya 51:11

Sakishai mikete, kuatai ngabu bikole; Bualu bua Yehowa wakusonsola mitshima ya banfumu ba Bena Madai, bualu bua yeye wakuhangidisha bua kubutula Babulona; bua edi ndisombuela dia Yehowa, disombuela didiye nʼadi bua ntempelo wandi.

Mika 4:3

Yeye nealumbulule bilumbu bu munkatshi mua bantu bu bungi, neakose bilumbu bia bisamba binene bia bantu bidi kule; bobo nebangate nuele yabo ya nvita, nebayifule nkasu ya kudima nʼai; nebangate mafuma abo, nebafule miele ya kulengesha nʼai matamba a mionshi ya tumuma tua nvinyo. Tshisamba tshikuabo tshia bantu katshiena tshibisha muele wa nvita bua kuluisha nʼau tshinga tshisamba; kabena mua kuyila lungenyi lua kuluangana nʼalu nvita kabidi.

Zekâya 12:8

Mu dituku adi Yehowa nealame bantu badi bashikame mu Yelushalema; ne muntu wa munkatshi muabo udi mutambe kuteketa neikale bu Davidi mu dituku adi, tshiota tshia Davidi netshikale bu Nzambi, bu muanjelo wa Nzambi ku mpala kuabo.

Luke 13:12

Nakamumona Yesu, wakamubikila, wakamuambila ne, Mukashiana, matekete ebe akulekele.

Luke 22:36

Yeye wakabambila ne, Kadi katataka, udi ne mukaba awangate ne tshibombo kabidi; udi kai ne muele wa nvita ahane kazaku kandi, ausumbe.