Yowele 2:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Idi inyema lukasa bu bena bukitu; idi ibanda lumbu lua musoko bu bena nvita. Mukumbi ne mukumbi udi uya anu mu nshila wau, ne kayena ihambuka mu nshila.

MUKANDA WA MYIDI MUKULU

⁷ Idi inyema bu bilobu, ibanda pa tshimana mudi bena mvita benza. Mpasu yonsu udi uya buludi mu wende njila, kakuena udi usesuka.

Yowele 2:7 Marejeleo ya Msalaba

2 Samuele 1:23

Shaula ne Yonatana bakadi bakane, bakadi banyishibua kudi bantu mu mioyo yabo, kabakadi bahanduluke mu lufu luabo; bakahita nyunyu ya mikanku lubilu, bakatamba nyama ya ntambue bukole.

2 Samuele 5:8

Dituku adi Davidi wakamba ne, Washiha Bena Yebuse, aye biandi ku misulu ya mai, ashihe balema ne bafofo, badi mutshima wa Davidi ukina. Nunku badi bamba ne, Bafofo ne balema kabena habuela mu nsubu.

1 Kulondolola 12:36

Ba munkatshi mua Bena Ashê bakamanya mua kuluangana nvita mu musumba ne mua kuasa mualu wa nvita bakadi binunu makumi anai.

Yobe 16:14

Udi untaha mputa mu miaba yonso, udi ulua kundi lubilu bu mudi umena bukitu.

Misambu 19:5

didi bu mubaki wa mukashi haluhukeye mu nsubu muandi, ne didi disanka bua kuendadi luendu luadi bu mudi muntu mukole usanka.

Nsumuinu 30:27

Mikumbi kayena ne mukelenge, kadi buonso buai idi yenda bu mialu ya nvita.

Yirmeya 5:10

Endelai mu mpunga ya mionshi ya tumuma tua nvinyo, nuyikose, kadi kanuyikoshi yonso; numushe matamba ai, bualu bua kaena a Yehowa.

Yowele 2:8

Kayena isakilangana, mukumbi ne mukumbi udi uya mu nshila wau. Idi ihita bintu bionso bidi bantu bakeba kuyikanda nʼabi, kayena itahibua.

Yowele 2:9

Idi yenda idiela mu musoko, idi yenda ha lumbu lua musoko; idi ibanda munda mua nsubu ya bantu; idi ihuelela ha masoso bu mudi muibi ubuela.