Yowanane 8:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Nuenu nudi nulumbuluisha bantu bu mudi mubidi, meme tshiena ndumbuluisha muntu.

MUKANDA WA MYIDI MUKULU

¹⁵ Nudi nukosa nsambu mudi bantu bakosa. Kadi meme tshiena nkosa nsambu ya muntu nansha umue to.

Yowanane 8:15 Marejeleo ya Msalaba

Amosa 5:7

nuenu mbadi bakudimuna kulumbulula kuakane bua kuluaku anu bululu, mbadi badiate buakane ne makasa.

Amosa 6:12

Tubalu tudi mua kunyemena lubilu ha mabue, anyi? Muntu udi mua kuendeshelahu ngombe bua kukoka lukasu lua kudima nʼalu, anyi? Bua nuenu nuakukudimuna kulumbulula kuakane bu nyongangandu, ne mamuma a buakane bu bululu!

Abakuke 1:4

Bua malu â diyisha dia mikenji diakuteketa, ne kulumbulula kuakane kakuenaku. Bualu bua bantu babi badi basesuisha muntu muakane, nunku kulumbulula kua bilumbu kudi kunyanguka.

Luke 12:14

Kadi Yesu wakamukonka ne, Mulumiana, wakunteka meme mulumbuludi wenu ne munutahuluidi nganyi?

Yowanane 12:47

Biunvua muntu mei anyi, biahidieye kuênza, meme tshiena mulumbuluisha; bualu bua tshiakuluila bua kulumbuluisha ba ha buloba, nakuluila bua kubasungila.

Yowanane 18:36

Yesu wakamukudimuna ne, Bukelenge buanyi kabuena bua ha buloba ebu; bu bukelenge buanyi buikale bua ha buloba ebu, bantu banyi bakadi kuluangana, tshifidibu mu bianza bia Bena Yuda; kadi katataka bukelenge buanyi kabuena bua kunoko.

Yowanane 3:17

Nzambi kakatuma Muana wandi ha buloba bua kulumbuluisha ba ha buloba, kadi bua ba ha buloba basungidibue kudiye.

Yowanane 7:24

Kanulumbuluishi muntu tshilumbu ku bimuenu biandi, nulumbulule ne kulumbulula kuakane.

Yowanane 8:11

Yeye wakamba ne, Mukelenge, kakuena muntu. Yesu wakamba ne, Meme kabidi tshiena nkubanda, ya biebe, kuenji bualu bubi kabidi tshiendelele.]

Rome 2:1

Nunku, wewe kampanda, utu walumbuluisha bakuabo, kuena ne tshia kudibingisha nʼatshi; udi udihisha biebe ne dilumbulula diudi ulumbuluisha nʼadi mukuabo; bualu bua hawalumbuluisha mukuabo, wewe utu wenza malu momumue.

1 Korente 2:15

Muntu udi ne Nyuma udi ujingulula malu onso, kadi muntu eu mene kabena bamujinguluila kudi mukuabo.

2 Korente 5:16

Nunku mu malu atshidi ku mpala katuena bamanye bantu ku mibidi yabo; bituamana kumanya Kilisto ku mubidi wandi diambedi, katataka katuena bamumanye nunku kabidi.

Yakobe 2:4

kanuakutahulukangana munkatshi muenu, ne kanuakulua balumbuludi badi ne meshi mabi, anyi?

1 Samuele 16:7

Kadi Yehowa wakambila Samuele ne, Kutangidi mpala wandi, anyi bule buandi, bualu bua meme nakamuhidia; Yehowa kena utangila bu mudi bantu batangila, bualu bua bantu badi batangila anu mubidi, kadi Yehowa udi utangila mu mutshima.