Yoshua 10:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bakelenge aba batanu bakanyema, bakasokoma mu lubuebue lua ku Makeda.

MUKANDA WA MYIDI MUKULU

¹⁶ Bakalenga abu batanu ba bena Amore kunyema, kuya kusokoma mu lubinga lua Makeda.

Yoshua 10:16 Marejeleo ya Msalaba

Misambu 68:12

Bakelenge ba misumba ya masalayi badi banyema, badi banyema! Bakashi badi bashala mu nsubu yabo badi babanyangana bintu binyengibue mu nvita.

Misambu 68:13

Nenulale munkatshi mua mpangu ya mikoko, bu mahuahua a nyunyu wa nkutshi adi mabuikidibue ne tshiamu tshia argent, ne masala andi mabuikidibue ne or mukunze.

Amosa 9:2

Nansha biumbulabo dina tô ne ku Muaba wa Bafue, tshianza tshianyi netshibakuateku; nansha biabandabo tô ne mu diulu, nembatulule hanshi.

Mika 7:17

Nebalake dinfuenkenya bu nyoka bu bintu bia ha buloba bidi bidikoka hanshi, bobo nebahatuke ku mena abo ne dizakala. Nebakanke ku mpala kua Yehowa Nzambi wetu, bakuatshike buowa; nebatshine bua bualu buenu kabidi.

Yoshua 10:15

Yoshua ne Bena Isalele bonso bakadi nʼandi bakahingana ku tshitudilu tshia ku Gilegala.

Yoshua 10:17

Bakambila Yoshua ne, Tuakasangana bakelenge aba batanu basokome mu lubuebue lua ku Makeda.

Yoshua 10:5

Hashishe bakelenge batanu ba Bena Amole, mukelenge wa Yelushalema, ne mukelenge wa Hebelone ne mukelenge wa Yâmuta ne mukelenge wa Lakisha ne mukelenge wa Egelona, bakadisangisha hamue, bakaya, bobo ne misumba yabo yonso, bakasa tshitudilu ku mpala kua Gibeona, bakaluangana ne benʼau nvita.

Didimanyisha 6:15

Ne bakelenge ba ha buloba ne bakelenge bana ne tupitene tunene tua masalayi, ne babanshi, ne bakole, ne muhika yonso, ne mudishikamine yonso, bakadisokoka mu nyongolo ne mu mabue a mikuna minene.

Balombodi 6:2

Tshianza tshia Bena Midiyana tshiakahita Bena Isalele bukole; bualu bua Bena Midiyana, Bena Isalele bakadimbila mena mu mikuna ne mbuebue, bakadiashila ngumbu ya mabue.

1 Samuele 13:6

Hakatangila Bena Isalele ne didi munkatshi mua malu makole (bualu bua bantu bakadi ne ntatu), nunku bakasokoma mu mbuebue ne mu bisuku ne mu mabue ne mu miaba mikuabo ya kusokoma ne mu mena a mikela.

1 Samuele 24:3

Yeye Wakafika ku mpangu ya mikoko yakadi mu nshila: lubuebue luakadiku, Shaula wakabuelamu bua kubuikileye makasa andi. Davidi ne bantu bandi bakadi basokome mu luseke lukuabo lua lubuebue elu.

1 Samuele 24:8

Hashishe Davidi wakabika, wakaluhuka mu lubuebue, wakela dî kudi Shaula ne. Mukelenge wanyi. Hakatshunguluka Shaula, Davidi wakatua mpala wandi hanshi, wakamukukuila.