Yona 4:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Hashishe, hakabanda diba, Nzambi wakatuma luhehele lua munanga lua ku esete; munya wakosha Yona mu mutu bikole, yeye wakahungila, wakalomba Nzambi ne, Nfue bianyi; wamba kabidi ne, Kufua kudi kuhita kushala ne muoyo buakane kundi.

MUKANDA WA MYIDI MUKULU

⁸ Diba dimane kubanda, Mvidi Mukulu kutuma lupepele lua luya, lufumine ku luseke ludi diba dipatukila. Kupulalu mutshi awu. Munya mukole kuosha Yona mu mutu. Kusuaye kufua tshipuka. Nanku Yona kujinga lufu, wamba ne: “Mbimpe meme kufua pa mutu pa kushala ne muoyi.”

Yona 4:8 Marejeleo ya Msalaba

Genese 41:6

Wakamona miehu mikuabo muanda mutekete yakadi mikese, yakafubidila ku luhehele luakafuma ku esete, yakadiunda kuinshi kua mikuabo.

1 Bakalenga 19:4

Kadi yeye nkayandi wakaya luendu lua dituku dimue mu tshihela, wakashikama hanshi muinshi mua mutshi wa genêt; wakalomba Nzambi bua kufueye, wamba ne, Kuakushika mpindiu, Yehowa angate muoyo wanyi, bualu bua meme tshiena muhite batatu banyi buakane.

1 Bakalenga 21:4

Ahaba wakabuela mu nsubu muandi mubungame ne mutshima muneme bujitu bualu bua dî diakamuambila Nabota, Muena Yizelele; bualu bua yeye wakamuambila ne, Tshiena nkuha buhianyi bua batatu banyi. Wakakudimana ha bulalu buandi, wakatangisha mpala wandi ku tshimanu, kakadia tshintu.

Yobe 2:10

Kadi Yobo wakamuambila ne, Wewe udi wakula bu mukashi muhote. Kia! Tudi mua kuitabusha anu masanka ku tshianza tshia Nzambi, ne katuitabushi makenga, anyi? Mu malu au onso Yobo kakamba bualu bubi ku mishiku yandi nansha.

Yobe 7:15

Nunku mutshima wanyi udi utamba kusungula bua kunfiekelabo mu nshingu; ndi nsungula lufu ku mpala kua makenga anyi.

Misambu 121:6

Diba kadiena dikuenzela bualu mu munya, nansha ngondo mu butuku.

Misambu 39:9

Ndi kamama, tshiena mbulula mukana muanyi; bualu bua wewe wakuenza bualu ebu.

Muambi 7:9

Kukuatshi tshiji mu mutshima webe lukasa, bualu bua tshiji tshidi tshiala mu tshiadi tshia bahote.

Musambu wa Solomo 1:6

Kanuntangidi bualu bua dikoba dianyi didi difike, bualu bua munya wakungosba. Bana betu ba balume ba difu dimue bakadi nʼanyi tshiji, bakunteka bua kulama mionshi ya tumuma tua nvinyo tua bakuabo, kadi tshiakalama mionshi yanyi.

Yeshaya 49:10

Nzala ne nyota kayena ibasuma; luhehele ludi luvuisha luya lukole ne munya kabiena bibosha, bua yeye utu wa bafuila luse neaye ku mpala kuabo, neabalombole ha buihi ne mishimi ya mai.

Yezekiyele 19:12

Kadi bakajula muonshi au ne tshifikʼa munda, bakawela hanshi ha buloba; luhehele lua ku esete luakafubisha mamuma au; matamba au makole akufubidila, ne kahia kakawosha.

Osheya 13:15

Nansha biavudishabo bana munkatshi mua bana babo, luhehele lua ku esete neluhehe, luhehele lua Yehowa lufume mu tshihela; ne mushimi wabo wa mai neukame, ne mpokolo wabo neume; neluhaule bintu bionso bilengele bidi mu tshibutshilu.

Lewitiki 10:3

Nunku Mose wakambila Alona ne, Ebu mbualu bakamba Yehowa ne, Nenjidibue kudi bantu balualua ha buihi nʼanyi, nentumbishibue ku mesu kua bantu bonso Alona wakahuwa talalâ.

Yona 1:17

Yehowa wakalongolola munyinyi munene wa mu mai bua kuminau Yona; ne Yona wakadi munda mua munyinyi wa mu mai minya isatu ne mafuku asatu.

Yona 1:4

Kadi Yehowa wakatuma tshihehele tshikole ha mai manene, ne tshihuhu tshikole tshiakadi ha mai manene; buatu buakamba kutshibuka.

Yona 4:3

Nunku Yehowa, ndi nkusengelela ne, Angata muoyo wanyi; bualu bua kufua kudi kuhita kushala ne muoyo buakane kundi.

Yona 4:9

Nzambi wakebesha Yona ne, Udi wenza bimpe haudi ukuata tshiji nunku bua mudiantondo, anyi? Yeye wakamuandamuna ne, Ndi ngenza bimpe bua kuikala nʼatshi tô ne ku lufu.

Matayi 20:12

Aba ba kunshikidilu bakakuata mudimu anu tshituha tshimue tshia diba, wewe wakubenda muomumue nʼetu, tuetu bakusala mudimu dituku dijima mu munya mukole.

Didimanyisha 3:19

Bungi bua bandi munange, ndi mbabela, ndi mbakengesha; nunku, wikale ne lukunukunu ne ukudimune mutshima webe.

Didimanyisha 7:16

Kabena hikala ne nsala kabidi, kabena bikala ne nyota kabidi, ne diba kadiena dibosha, nasha luiya lukese;

1 Samuele 3:18

Samuele wakamuambila malu onso, kakamusokoka nansha bualu bumue. Eli wakamba ne, Ebu mbualu bua Yehowa; enze biandi malu adi mimpe ku mesu kuandi.