Yona 3:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Biluate bivualu bikayabala, bantu ne bimuna bidile bikole kudi Nzambi; muntu ne muntu umuke mu nshila wandi mubi, alekele kuenza malu makole adi bianza biandi biamba kuenza.

MUKANDA WA MYIDI MUKULU

⁸ Bantu ne bimuna, nudi ne bua kuvuala bilamba bikayapale. Bonsu nutendelele Mvidi Mukulu ne muoyi mujima. Muntu yonsu umuke mu njila wa malu mabi, alekele buenzayi buvuaye nabu.

Yona 3:8 Marejeleo ya Msalaba

Yobe 16:17

Kadi kakuena bienzedi bia tshimbambila ku bianza bianyi, kulomba kuanyi kakuena ne lubombo.

Yobe 36:10

Udi ujikula matshu abo bua bamanye mua kunvua diyisha, udi ubelela mukenji bua bobo balekele malu mabi bua kuhingana kudiye.

Yeshaya 58:6

Eku kakuena kujila kua bia kudia kunakusungula, anyi? Mbua kusulula nkanu ya malu mabi, mbua kusulula majita adi asuika mutshi wa tshikokedi, mbua kulekela bakengeshibue, ne mbua kutshibula mutshi wa tshikokedi wonso.

Yeshaya 59:6

Matande adibo baluka kaena mua kuandamuka bivualu biabo, ne bantu kabena mua kudiluatshisha bienzedi biabo. Bienzedi biabo bidi bienzedi bibi, ne bienzedi bia diyoyo bidi mu bianza biabo.

Yirmeya 18:11

Nunku wambile bantu ba mu Yuda ne ba mu Yelushalema dî edi ne, Yehowa udi wamba ne, Monai, ndi nnulongoluela makenga, ndi nnusunguila bualu bua kunuenzela; nunku buonso buenu nulekele kuenda mu nshila idi mihi, nulengeshe bienzedi bienu ne malu anudi nuenza.

Yirmeya 25:5

Bobo bakadi banuambila ne, Buonso buenu, muntu ne muntu, nukudimune mitshima yenu, nulekele kuenda mu nshila wenu mubi ne kuenza bienzedi bibi, bua nushikame mu buloba buakanuha Yehowa, nuenu ne batatu benu, ku kale tô ne tshiendelele.

Yirmeya 26:3

Bumue nebakunvuile, bua buonso buabo, muntu ne muntu, balukile, balekele kuenda mu nshila wabo mubi, bua meme nkudimune mutshima wanyi bua makenga andi mpangidisha kubakengesha nʼau bua bienzedi biabo bibi.

Yirmeya 36:3

Bumue Bena Yuda nebunvue bua makenga onso andi mpangidisha kubenzela, bua bobo balekele, muntu ne muntu kuenda mu ushila wandi mubi; bua meme mmanye mua kubabuikidila malu mabi abo ne bubi buabo.

Yezekiyele 33:11

Ubambile ne, Mukelenge Yehowa udi wamba ne, Bu mundi meme ne muoyo, tshiena ne disanka bua lufu lua muntu mubi, kadi ndi nsanka bua muntu mubi umuke mu nshila wandi mubi bua ikale ne muoyo. Tshingulukai! Tshingulukai! Lekelai bienzedi bienu bibi! Bualu kai nudi basue kufua, nuenu Bena Isalele?

Danyele 4:27

Bua muanda eu, mukelenge wanyi, wanji kuitabusha lungenyi luanyi: ulekele mibi yebe, uhingashe bienzedi biakane mu muaba wai; ulekele malu ebe a tshishiku, ufuile bahele luse; nunku, bumue, diakalengele diebe nedileheshibue.

Yowele 1:14

Jidilai tshikondo tshia kujila bia kudia, kunguishai disangisha dia tshijila. Nuenu bakulu, sangishai bantu bonso badi bashikame mu buloba ebu mu nsubu wa Yehowa Nzambi wenu; dilai kudi Yehowa.

Yona 1:14

Bua muanda eu bakadila kudi Yehowa, bamba ne, Yehowa, tudi tukusengelela, kuitabushi bua tuetu kufua bua muntu eu, kuteki mashi a muntu udi kayi muhishibue hamʼbidi hetu; bualu bua wewe Yehowa, wakuenza bu muwakadi mumone ne mbimpe.

Yona 1:6

Nunku kapitene ka buatu kakalua kudiye, kakamuebesha ne, Ahu, wewe udi muladile tulu tshinyi? Juka biebe, bikila dina dia nzambi webe; bumue nzambi au nele meji a bualu buetu, bua tuetu katufu nansha.

Matayi 3:8

Nukuame mamuma makane adi alesha dikudimuna dia mitshima yenu;

Bienzedi 26:20

kadi nakambila ba mu Damaseke diambedi, ne ba mu Yelushalema, ne ba mu luseke luonso lua Yudaya, ne ba bisamba bia bende kabidi, bua kukudimunabo mitshima yabo, batshinguluke kudi Nzambi, benze malu adi makanangane ne dikudimuna dia mitshima yabo.

Bienzedi 3:19

Kudimunai mitshima yenu, andamukai kabidi, bua mibi yenu Ijimishibue; bua bikondo bia kunukankamasha bifume ku mesu kua Mukelenge,

Didimanyisha 11:3

Nempe bamanyishi banyi babidi bukole, ne nebambe dî dia Nzambi matuku tshinunu ne nkama ibidi ne makumi asambombo, baluatshisha bilulu bia miosa.