Yona 2:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Hakadi muoyo wanyi muhungile, nakavuluka Yehowa; kulomba kuanyi kuakufika kûdi mu ntempelo webe wa tshilua mene.

MUKANDA WA MYIDI MUKULU

⁷ Mvua mudine mu mayi too ne kasuki, kufika ne ku tshitaku tshia mikuna. Bakavua banginjidila biibi bia nzubu wa lufu. Kadi anu wewe Maweja-Nangila Mvidi Mukulu wanyi, ke uvua mumpatule mu dijimba edi ne muoyi.

Yona 2:7 Marejeleo ya Msalaba

2 Kulondolola 30:27

Bakuidi ne Bena Lewi bakajuka, bakavudishila bantu disanka; Nzambi wakunvua dî diabo, ne kutendelela kuabo kuakafika tô ne mu diulu ku muaba wandi wa tshijila.

Misambu 11:4

Yehowa udi mu ntempelo wandi wa tshijila, Yehowa mene udi ne nkuasa wandi wa butumbi mu diulu. Mesu andi adi amena, bilafinyi biandi bidi biteta bana ba bantu.

Misambu 142:3

Hahanga nyuma wanyi munda muanyi, wewe udi mumanye nshila wanyi. Mu nshila mundi ngendela bakunteya buteyi.

Misambu 143:5

Ndi nvuluka matuku a diambedi, ndi ngelangana meji a bienzedi biebe bionso; ndi ngelangana meji a mudimu wa bianza biebe.

Misambu 18:6

Mu kanyinganyinga kanyi nakadibikila Yehowa, nakadila kudi Nzambi wanyi. Yeye wakunua dî dianyi hakadiye mu ntempelo wandi, muadi wanyi kudiye wakafika ku matshu andi.

Misambu 20:7

Bakuabo badi beyemena makalu a nvita, bakuabo badi beyemena tubalu; kadi tuetu netutele dina dia Yehowa Nzambi wetu.

Misambu 22:14

Ndi muhongoloke bu mai, mifuba yanyi yonso idi mihauke mu manungu ai; mutshima wanyi udi bu dihula, wakufingatuka munda muanyi.

Misambu 27:13

Ndi ngitabusha ne, Nemmone buimpe bua Yehowa mu buloba bua badi ne muoyo.

Misambu 42:11

Mutshima wanyi, wewe udi muitshikile bua tshinyi? Udi ulubakana munda muanyi bua tshinyi? Wikale ne ditekemena diebe mu Nzambi; bualu bua nemmutumbishe kabidi bualu bua yeye udi luhandu luanyi ne Nzambi wanyi.

Misambu 42:5

Mutshima wanyi, wewe udi muitshikile bua tshinyi? Udi ulubakana munda muanyi bua tshinyi? Wikale ne ditekemena diebe mu Nzambi; bualu bua nemmutumbishe kabidi, bualu bua yeye udi luhandu luanyi ne Nzambi wanyi.

Misambu 43:5

Mutshima wanyi, wewe udi muitshikile bua tshinyi? Udi ulubakana munda muanyi bua tshinyi? Wikale ne ditekemena diebe mu Nzambi; bualu bua nemmutumbishe kabidi, bualu bua yeye udi luhandu luanyi ne Nzambi wanyi.

Misambu 65:4

Disanka didi kudi muntu udi usungula ne ûdi ufikisha hehi nʼebe, bua ashikame mu biendelu bia tshitendelelu tshiebe! Tuetu netuikale ne mitshima mitalale bua buimpe bua nsubu webe, ntempelo webe wa tshijila.

Yeshaya 38:17

Mona, bua meme kuheta ditalala ku nyima nakadi ne kanyinganyinga kakole diambedi; kadi dinanga diebe dia muoyo wanyi diakûmusha mu dijimba dia kabutu; bualu bua wewe wakuela mibi yanyi yonso ku nyima kuebe.

Yeshaya 50:10

Muntu kai wa munkatshi muenu udi utshina Yehowa, udi utumikila dî dia muntu wandi? Biendeye mu mîdima kayi ne muinda, eyemene biandi dina dia Yehowa, atekemene biandi Nzambi wandi!

Yona 2:4

Nakuamba ne, Bakungihata ku mesu kuebe, kadi nentangishe mesu anyi kabidi ku ntempelo webe wa tshijila.

Mika 1:2

Unvuai, nuenu bantu, buonso buenu; telejaiku, wewe buloba ne bintu biebe bionso. Mukelenge Yehowa, Mukelenge mu ntempelo wandi wa tshijila, anuleshe.

Abakuke 2:20

Kadi Yehowa udi mu ntempelo wandi wa tshijila; ba ha buloba bonso bahuwe ku mpala kuandi!

Ebrewu 12:3

Bua nuelangane meshi bua yeye wakukankamana mu ditontolola dia nunku dia bantu babi diakamutontololabo nʼadi, bua nuenu kanuhungidi, hikala batekete mu mitshima yenu.

1 Samuele 30:6

Davidi wakanyingalala bikole; bualu bua bantu bakadi bahunga dî bua kumukuma mabue; mitshima ya buonso buabo yakanyingalala bua bana babo balume ne bana babo bakashi; kadi Davidi wakadikolesha mu Yehowa, Nzambi wandi.