Yobe 9:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bu meme muikale muakane, tshiakadi kumanya mua kumufuisha; nakadi kutendekena mulumbuluishi wanyi.

MUKANDA WA MYIDI MUKULU

¹⁵ Nansha meme mubinge, tshiena mua kumuandamuna to. Ndi ndomba amu bua mukoshi wanyi wa nsambu amfuile luse!

Yobe 9:15 Marejeleo ya Msalaba

2 Kulondolola 33:13

Wakamutendelela; Nzambi wakamunvuila, wakitabusha kutendekena kuandi, wakamuhingisha ku Yelushalema mu bukelenge buandi kabidi. Hashishe Manashe wakamanya ne, Yehowa udi Nzambi.

Yobe 10:15

Bingikala ne bubi, ndi ne mulau; nansha bingikala muakane, tshiena mbisha mutu wanyi, bualu bua nakûshibua tente ne bundu handi ntangila makenga anyi.

Yobe 10:2

Nengambile Nzambi ne, Kumpishi nansha; undeshe bualu butudi tufuila nʼebe.

Yobe 22:27

Neumutendelele ne yeye neakunvuile, nushikishe mitshihu yebe.

Yobe 23:7

Kuakua muntu muakane wakadi kumanya mua kutetangana nʼandi mei, ne meme nakadi kumanya mua kudibandisha kudi mulumbuluishi wanyi tshiendelele.

Yobe 40:5

Nakuamba dî dianyi musangu umue, tshiena ukudimuna dî kabidi; e, nakuamba di misangu ibidi, kadi tshiena ngamba mei makuabo.

Yobe 5:8

Kadi meme hanyi nakadi kukeba Nzambi, nakadi kufila tshilumbu tshianyi mu bianza bia Nzambi,

Yobe 8:5

biwasua kukeba Nzambi ne disuminyina, biwasua kulomba Wa Bukole Buonso ne disengelela diebe,

Yobe 9:16

Bu meme mumubikile ne bu yeye muitabe kundi, tshiakadi kuitabusha ne, Yeye udi mua kunvua dî dianyi.

Yobe 9:20

Bingikala mubinge, mukana mua nyi nemumpishe; bingikala muakane, nemungambile ne, Udi ne bualu bubi.

Yobe 9:21

Meme muakane! Tshiena mua kudimanya nkayanyi; muoyo wanyi udi untondesha.

Yirmeya 31:9

Nebalue badila muadi; nembalombole ne disengelela; nembendeshe ha buihi ne misulu ya mai, mu nshila mululame mudibo kabayi mua kulenduka; bualu bua ndi tatu wa Bena Isalele, ne Efelayima udi muanʼa bute wanyi.

Danyele 9:18

Nzambi wanyi, uteleje matshu ebe, unvue. Ubulule mesu ebe, umone dibutuka dietu ne dia musoko udi muinyika dina diebe. Bualu bua katuena tukutendekena bua tudi ne bienzedi biakane, kadi anu bualu bua luse luebe lunene.

Danyele 9:3

Nakatangisha mpala wanyi kudi Mukelenge Nzambi bua kumukeba mu kulomba ne kutendekena, mu kujila kua bia kudia, mu kuluata kua bilulu bikayabala ne mu kulaba kua butue.

1 Korente 4:4

Bua tshiena munvue munda tshindi mua kudihisha nʼatshi, kadi tshiena mbingishibua bua bualu ebu; kadi udi undumbuluisha udi Mukelenge.

1 Petro 2:23

hakamuhendabo, yeye kakabahenda kabidi; hakakengeye, yeye kakabakanyina, kadi wakadifila mu bianza bia udi ulumbulula biakane.