Yobe 8:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bobo kabena bakuyisha, kabena bakuambila, kabena bamba mei a mu mitshima yabo, anyi?

MUKANDA WA MYIDI MUKULU

¹⁰ Kadi bankambua betu kabena mua kukulongesha, kukumvuija bivuabu balonga panu anyi? Nebabuelele tusumuinu ne:

Yobe 8:10 Marejeleo ya Msalaba

Yobe 32:7

Nakamba munda munda ne, Wa matuku a bungi udi ne bua kuakula, ne bena bidimu bivule badi ne bua kuyisha bantu meji.

Yobe 8:11

Lutuhu ludi mua kudiunda bimpe hadi kahayi lunteke, anyi? Disele didi mua kudiunda hadi kahayi mai, anyi?

Yobe 8:9

Bualu bua tuetu ludi anu bu bantu bakalelabo makelela, katuena bamanye bualu, bualu bua matuku etu a ha buloba adi anu bu mundidimbi.

Misambu 145:4

Ba mu mulongo umue wa bantu nebatumbishile ba mu mulongo wabo mukuabo midimu yebe, nebabamanyishe bienzedi biebe binene.

Nsumuinu 16:23

Mutshima wa muena meji udi uyisha mukana muandi lungenyi, udi uhetamu bukole bua kuitabushisha bantu.

Nsumuinu 18:15

Mutshima wa mujinguludi wa mianda udi uheta lungenyi; matshu a bena meji adi ukeba lungenyi.

Matayi 12:35

Muntu muimpe udi uhatula bintu bimpe mu tshibutshilu tshiandi tshimpe; muntu mubi udi uhatula bintu bibi mu tshibutshilu tshiandi tshibi.

Dielulula 11:19

Numanyishe bana benu mei â, nubambileu hanuashikama mu nsubu yenu ne hanuenda mu nshila ne hanuaya ne hanuabika.

Dielulula 6:7

wewe newayishe bana bebe, wewe neusombelele nʼabo bua mei au, hawashikama mu nsubu webe, ne hawenda mu nshila, ne hawalala, ne hawabika.

Ebrewu 11:4

Bua ditabusha Ebele wakafila kudi Nzambi mulambu muhite wa Kana buimpe, bua bualu buau yeye wakadi ne bualu buandi buambibua ne, Yeye wakadi muakane, Nzambi wamba bua kuha kuandi, ne bua bualu buaku yeye mufue utshidi wakula.

Ebrewu 12:1

Nunku, tuetu kabidi, bualu bua tudi tunyungulukibua ne tshisumbu tshinene nunku tshia bamanyi, tumushai bujitu buonso, ne malu mabi adi bualu butekete bua kutulenduisha, tuidikishe ne kutantamana tshidikishilu tshietu tshia lubilu tshidi tshitekibua ku mpala kuetu,