Yobe 7:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Muoyo wanyi udi untonda! Tshiena musue kuikala ne muoyo tshiendelele. Undekele, bualu bua matuku anyi adi anu bu muhuya.

MUKANDA WA MYIDI MUKULU

¹⁶ Bionsu bia panu mbimane kuntonda. Tshiena musue kupashala. Undekele matuku anyi kaena ne bua nsongu panu.

Yobe 7:16 Marejeleo ya Msalaba

Genese 27:46

Lebeka wakambila Isaka ne, Bana bakashi ba Bena Hete badi batondesha muoyo wanyi, biabaka Yakoba mukashi wa bana bakashi ba Bena Hete bu bana bakashi badi mu buloba ebu, muoyo wanyi newikale ne mushinga kai kundi?

1 Bakalenga 19:4

Kadi yeye nkayandi wakaya luendu lua dituku dimue mu tshihela, wakashikama hanshi muinshi mua mutshi wa genêt; wakalomba Nzambi bua kufueye, wamba ne, Kuakushika mpindiu, Yehowa angate muoyo wanyi, bualu bua meme tshiena muhite batatu banyi buakane.

Yobe 10:1

Mutshima wanyi wakutondeshibua bua muoyo wanyi; nengambe meji adi annyingalasha hatoke tô, nengambe dî mu kanyinganyinga ka mutshima wanyi.

Yobe 10:20

Matuku a muoyo wanyi kaena manya-manya, anyi? Yeye anji kundekela tshituha, yeye anji kumuka kundi, bua meme ngikale ne busambi bukese,

Yobe 14:6

anji kumusha mesu ebe kudiye bua yeye amanye mua kuikisha biandi, tô ne hamanyeye mua kusanka kundekelu kua dituku diandi, bu mudi muena mudimu wa difutu usanka.

Yobe 6:9

Nakadi kusua bua Nzambi ikale ne disanka bua kumbutula; bua yeye alekele kukanda tshianza tshiandi ne ahempe muonshi wa muoyo wanyi!

Yobe 7:15

Nunku mutshima wanyi udi utamba kusungula bua kunfiekelabo mu nshingu; ndi nsungula lufu ku mpala kua makenga anyi.

Yobe 7:7

Nzambi, uvuluke biebe ne muoyo wanyi udi anu muhuya, disu dianyi kadiena dimona diakalengele kabidi

Yobe 9:21

Meme muakane! Tshiena mua kudimanya nkayanyi; muoyo wanyi udi untondesha.

Misambu 144:4

Muntu udi bu muhuya; matuku andi adi bu mundidimbi udi ujimina.

Misambu 39:10

Ungumusha mukumu webe wa disama uwakunkuma; ndi ngamba kujimina bua dituta dia tshianza tshiebe.

Misambu 39:13

Umusha mesu ebe kundi, bua meme kumanya mua kusanka kabidi; diambedi tshiyi muanze kumukaku, tshikadihu kabidi.

Misambu 39:6

Bulelela, muntu yonso udi bu mundidimbi hadiye wendakana. Bulelela, badi batatakana anu bua bualu bua hatuhu. Muntu udi ubumba mishiki ya bintu, kadi kena mumanye ne, Wabisangisha nganyi?

Misambu 62:9

Bulelela, bantu bahuekele badi anu muhuya, bantu badi ne buneme bunene badi mashimi. Mu tshiamu tshia kuidikisha nʼatshi bujitu badi babanda kulu; buonso buabo basangisha hohamue badi bahita muhuya kuhehela.

Misambu 78:33

Nunku yeye Wakajimisha matuku abo bu mudi muhuya ujimina, Wakajimisha bidimu biabo mu buowa bukole.

Misambu 78:39

Wakavuluka ne, Badi anu ba ha buloba, badi bu luhehele ludi luhita, kaluena luhingana kabidi.

Muambi 2:17

Nunku nakakina muoyo, bualu bua mudimu udi muenjibue muinshi mua diba wakannyingalasha. Bualu bua malu onso adi hatuhu bu kuihata kua luhehele.

Yirmeya 8:3

Yehowa wa misumba udi wamba ne, Nebasungule lufu ku mpala kua muoyo kudi bantu bonso badi bashala ba mu tshisamba etshi tshibi, kudi badi bashala mu miaba yonso inakabihata.

Yona 4:3

Nunku Yehowa, ndi nkusengelela ne, Angata muoyo wanyi; bualu bua kufua kudi kuhita kushala ne muoyo buakane kundi.

Yona 4:8

Hashishe, hakabanda diba, Nzambi wakatuma luhehele lua munanga lua ku esete; munya wakosha Yona mu mutu bikole, yeye wakahungila, wakalomba Nzambi ne, Nfue bianyi; wamba kabidi ne, Kufua kudi kuhita kushala ne muoyo buakane kundi.