Yobe 4:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Bikala muonshi wa ntenta wabo mutuka munda muabo, kabena bafua, kabayi banze kuheta meji, anyi?

MUKANDA WA MYIDI MUKULU

²¹ Badi bakosa mionji ya ntenta wabu wa pa buloba. Badi bafua kabayi bajingulula bualu.”

Yobe 4:21 Marejeleo ya Msalaba

Yobe 18:21

Bulelela, ebu mbualu budi bukuata nsubu ya bantu babi, eu mmuaba wa muntu udi kayi mumanye Nzambi.

Yobe 32:9

Kembantu badi ne bidimu bia bungi mbadi ne meji, kembanunu mbadi bajingulula kulumbulula kuakane.

Yobe 36:12

Kadi bikalabo kabayi bunvua dî diandi, nebashihibue ku muele wa nvita, nebafue kabayi banze kuheta lungenyi.

Yobe 8:22

Bena lukuna bebe nebafuishibue bundu, ne ntenta wa bantu babi kena wikalaku kabidi.

Misambu 39:11

Hawabulukila muntu ne kubela kuebe bualu bua malu mabi andi, udi ujimisha bualu budiye utamba kusua bu mudi tshibayabaya tshienza. Bulelela, muntu yonso udi anu muhuya.

Misambu 39:5

Mona, wakunvuisha matuku anyi bu ntanta ya tshianza mu tshidikishilu tshiau, ne hidimu bia muoyo wanyi bu tshintu tshia hatuhu ku mesu kuebe. Bulelela, muntu yonso hadiye wimana mujalame udi anu bu muhuya.

Misambu 49:14

Badi basungudibua bu tshisumbu tshia mikoko bua kubuelabo mu Muaba wa Bafue; Lufu neluikale mulami wabo. Bantu bakane nebabakokeshe ne lunkelu. Mibidi yabo neyinyane, neyijimine; Muaba wa Bafue newikale muaba wa bobo kushikama.

Misambu 49:20

Muntu udi ne butumbi, kadi kena ujingulula, udi bu nyama idi ijimina.

Nsumuinu 5:23

Udi ufua bua dihanga diandi dia kuheta diyisha didi dimuludikila nshila; bua bukole bua buhote buandi udi uhambuka.

Yeshaya 14:16

Badi bakumona nebakujoshe bikole, nebakuelele meji ne, Eu mmuntu wakazakasha buloba, wakakankisha makelenge, anyi?

Yeshaya 2:22

Lekelai kueyemena muntu, udi ne muhuya mu mimpempe ya mu diulu diandi; bua badi mua kumubala bu tshinyi?

Luke 12:20

Kadi Nzambi wakamuambila ne, Wewe udi muhote, butuku ebu mene badi balomba muoyo webe; bintu biwakulongolola nebikale kudi nganyi?

Yakobe 1:11

Bualu bua diba didi dibanda hohamue ne luhehele lua luiya lukole ne bidi bifubisha bisosa; ne tshilongo tshiabi tshidi tshimata hanshi ne bulengele bua mu mpala muatshi budi bujimina; muomumue kabidi, muntu mubanshi neajimisbibue mu nshila yandi.