Yobe 37:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Adi anyunguluka ne adi akudimuka ku bulombodi buandi, bua wowo enze malu onso adiye wâmbila bua kuenzau hanshi ha buloba hadi bantu.

MUKANDA WA MYIDI MUKULU

¹² Ke mudiye watangalaja eku ne eku, bua akumbaje bionsu bidiye musue mu matunga onsu a pa buloba.

Yobe 37:12 Marejeleo ya Msalaba

Yobe 36:32

Udi ubuikila bianza biandi bibidi ne miele ya nvula, udi uyelela mikenji bua yoyo ikume muaba udiye musue.

Yobe 37:3

Yeye udi utuma bua kukungulau muinshi mua diulu dionso, udi utuma muele wandi wa nvula tô ne kunfudilu kua buloba.

Misambu 104:24

Yehowa, mona mudi bungi bua mishindu ya midimu yebe! Wewe wakenza buonso buai ne lungenyi luebe; buloba budi bûle tente ne bintu biwakafuka.

Misambu 147:15

Udi utuma mukenji wandi ha buloba; dî diandi didi diya lubilu.

Misambu 148:8

kahia ne mabue a nvula, neige ne dibungi, tshihehele tshikole tshidi tshitumikila mukenji wandi!

Yeshaya 14:21

Longoluelai bana bandi tshishihelu bualu bua malu mabi a batatu babo, bua kabajuki bua kuangatabo buloba bu biuma biabo, ne bua kabûshi buloba tente ne bimenga biabo.

Yeshaya 27:6

Mu matuku adi kâyi manji kulua Yakoba nêle miji; Isalele neabaluluke, neasampile ntonga; nebûshe buloba buonso ne tumuma tua nvinyo.

Yirmeya 14:22

Mukuabo udiku wa munkatshi mua nzambi ya hatuhu ya bantu ba bende udi mua kulokesha nvula, anyi? Diulu dine didi mua kulokesha nvula nkayadi, anyi? Kenguewe, Yehowa Nzambi wetu, udi mua kuenza nunku, anyi? Nunku netukuindile, bualu bua wewe wakuenza malu â onso.

Yowele 2:23

Nuenu bana ba balume ba mu Siona, sankai bienu, ikalai ne disanka mu Yehowa Nzambi wenu; bualu bua yeye udi untokeshila nvula mbedi, udi untokeshila nvula ya bungi, nvula mbedi ne nvula mishishe, bu muakenzeye diambedi.

Amosa 4:7

Meme kabidi nakakanda nvula bua kanulokedi, hakadi ngondo isatu mishale tshikondo tshia kunowa katshiyi tshianji kufika; nakalokeshila musoko mukuabo mula, nakakanda nvula bua kalokedi musoko mukuabo. Nvula yakalokela budimi bukuabo, kadi bintu bia mu budimi buakadi kabuyi ne nvula biakafubidila.

Didimanyisha 11:6

Bobo badi ne bukole bua kuinshila diulu, bua nvula kailoki mu matuku a mayisha abo a baprofete, ne badi ne bukole ha mutu ha mai bua kuândamuna mashi ne bua kukuma buloba ne bihuhu misangu yonso yasuabo.