Yobe 36:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Mona, Nzambi udi ne bukole buhite ne kena uhetula muntu, udi ne bukole buhite bua kujingulula malu.

MUKANDA WA MYIDI MUKULU

⁵ Nansha Mvidi Mukulu ne bukole bupite, kena upetula muntu to. Udi Mfumu muena diyi dimue.

Yobe 36:5 Marejeleo ya Msalaba

Yobe 10:3

Bidi bimpe ku mesu kuebe bua wewe kunkengesha, bua wewe kubenga mudimu wa bianza biebe, ne bua wewe kutemesha munya webe ku meji a bantu babi, anyi?

Yobe 25:2

Bukokeshi ne ditshina bidi kudiye, udi uvuisha ditalala mu miaba yandi ya mu diulu.

Yobe 31:13

Bingikala muhetule tshilumbu tshia muhika wanyi mulume anyi mukashi, hakadibo balumbulula nʼanyi,

Yobe 37:23

Katuena bamanye mua kujingulula malu onso a Wa Bukole Buonso; yeye udi munene mu bukole buandi, ne bualu bua yeye udi ne buakane bukumbane bua bungi, kena ukengesha muntu tshianana.

Yobe 9:14

Nunku meme hanyi ndi mua kuandamuna dî kudi kunyi anyi kusungula mei bua kuelangana nʼandi mpata?

Yobe 9:19

Bituakula bua bukole, monai, yeye udi muhite bukole! Bituakula bua kulumbulula kuakane, yeye udi wamba ne, Wambikila nganyi?

Misambu 102:17

Neateleje matshu andi ku kulomba kua bakengi, kena ulengulula mulombu wabo.

Misambu 138:6

Yehowa udi muhandishibue mulu, kadi udi umona bantu bahuekele; udi mumanye badi ne dihetu hatshidibo kule.

Misambu 147:5

Mukelenge wetu udi munene, udi ne bukole bukumbane; dijingulula diandi dia malu kadiena ne kunfudilu kuadi.

Misambu 22:24

Bualu bua yeye kakahetula ne kakakenuka makenga a wakadi mu dikenga; kakasokoka mesu andi kudiye, kadi wakamunvuila hakadieye kudiye.

Misambu 69:33

Bualu bua Yehowa udi unvua dî dia badi bakengela bintu, kena uhetula bantu bandi badi bakuatshibue mu nkanu.

Misambu 99:4

Bukole bua Mukelenge budi bunanga kulumbulula kuakane. Wewe wakajadika buakane mu kulumbulula; wakulumbulula ne kulumbulula kuakane, wakuenza bienzedi biakane munkatshi mua bana ba Yakoba.

Yirmeya 10:12

Nzambi nyeye wakafuka buloba ku bukole buandi, wakajadika bia ha buloba ku lungenyi luandi, wakavungula diulu ku meji andi.

Yirmeya 32:19

Wewe udi munene mu kulesha kuebe kua lungenyi kudi bantu, udi ne bukole bua bungi mu bienzedi biebe, udi ne mesu ebe mabulule bua kumona nshila yonso ya bana ba bantu, ne bua kufuta muntu yonso bu mudi bienzedi biandi ne bu mudi mamuma a ku bienzedi biandi.