Yobe 3:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Dituku adi dikale mîdima; Nzambi wa mu diulu kadikebi; munya kauditemenyi.

MUKANDA WA MYIDI MUKULU

⁴ Dituku adi dikale dia miidima mikole. Mvidi Mukulu kadivuluki! Butoke kabuditokeshi nansha.

Yobe 3:4 Marejeleo ya Msalaba

Yobe 3:3

Dituku diakandelabo dijimine, ne butuku buakamba ne, Muana mulume udi muimitshibue, bujimine.

Yobe 3:5

Mîdima ne mufidi mufike fitutû bidiangate. Difutu dishikamehu; bintu bionso bidi bifikisha difuku adi biditshinyishe.

Yowele 2:2

Ndituku dia mîdima ne dia mufitu, ndituku dia matutu ne dia mîdima mikole. Bu mudi kabundubundu ka lunkelu katshila ha mutu ha mikuna, bantu aba banene ne bakole badi nunku. Kakuena kuanji kuikala bakuabo bu bobo diambedi; kakuena kuikala bakuabo bu bobo ku nyima kuabo, tô ne ku bidimu bia mulongo ne mulongo.

Amosa 5:18

Mulau unukuate nuenu badi ba sue dituku dia Yehowa dimuenekele! Nudi ntekemena tshinyi mu dituku dia Yehowa? Didi mîdima, kadiena munya nansha.

Matayi 27:45

Mîdima yakadi ha buloba buonso munda munya tô ne diba ha isatu.

Bienzedi 27:20

Diba ne mitoto kabiakatutemena matuku a bungi, tshihuhu tshitambe bukole tshiakatukuata, katuakadi ne ditekemena kabidi ne, Netusungidibue.

Dielulula 11:12

buloba budi Yehowa, Nzambi wenu, ulama; mesu a Yehowa, Nzambi wenu, atu atangila ha buloba abu ku tshibangidilu tshia tshidimu tô ne kunshikidilu kuatshi.

Didimanyisha 16:10

Muitanu wakahongolola luhanza luandi ha mutu ha nkuasa wa butumbi wa nyama wa luonji; ne bukelenge buandi buakalua mîdima; ne bakadiangana ndimi yabo bualu bua dikenga,