Yobe 27:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Bantu badi batuta bikashi bua dibutuka diandi, badi bamubingila bua kumuihata mu muaba wandi.

MUKANDA WA MYIDI MUKULU

²³ Bantu ba muaba udibu basomba badi babamona, badi batuta bikashi, bela tunkunduluila bua dikenga edi.

Yobe 27:23 Marejeleo ya Msalaba

1 Bakalenga 9:8

Bikala nsubu eu bule nunku, kadi bantu bonso badi bahitaku nebakeme, nebafunkune mishiku; nebakonkangane ne, Yehowa wakenzela buloba ebu ne nsubu eu nunku bua tshinyi?

Yobe 18:18

Nebamuihate mu munya bua kuyeye mu mîdima, nebamuihate ha buloba.

Yobe 20:8

Neaye biandi lubilu bu mudi tshilota tshihita, kabena bamusangana kabidi. E, nebamuihate bu mudi tshikena kumona tshijimina butuku.

Yobe 28:1

Bulelela, tshina tshidiku tshia bantu kumbula tshiamu tshia argent, ne ditanda didiku dia kufulamu tshiamu tshia or bua kutshilengesha.

Yobe 34:37

Bualu bua udi utentekasha ditomboka ha mutu ha bubi buandi; udi ututa tshikashi munkatshi muetu, ne udi uvudisha mei andi adiye ubanda nʼau Nzambi.

Yobe 7:10

kena uhingana kabidi mu nsubu muandi, ba ku muaba wakadiye ushikama diambedi kabena bamumona kabidi.

Nsumuinu 11:10

Bikala bantu bakane ne diakalengele, ba mu musoko badi basanka; hajimina bantu babi, badi bela mbila ya disanka.

Yirmeya 19:8

Nendishe musoko eu bu tshintu tshidi tshikemesha bantu ne tshia kubingila ne tuseku; muntu yonso udi uhitshilaku neabingile ne tuseku bua makenga onso adi aukuata.

Muadi 2:15

Bantu bonso badi bahita mu nshila badi bakututshila bikashi; badi bakubingila, badi bakuha mitu yabo kudi muana mukashi wa Yelushalema, bamba ne, Kemmusoko wakadibo babikila ne, Mulengele tshishiki, disanka dia ba ha buloba bonso, anyi?

Yezekiyele 25:6

Bualu bua Mukelenge Yehowa udi wamba ne, Bualu bua nuakututa bikashi, nuakutua mikumu hanshi ne nuakusanka ne lukuna luonso lua mu mitshima yenu bua malu akukuata buloba bua Isalele,

Mika 6:16

Bualu bua nudi nutumikila mikenji ya Omeli, nudi nulonda bienzedi bia mu nsubu wa Ahaba, nudi nuenda bu mudi lungenyi luabo, meme nenyishe musoko wenu tshikulu, ne bantu badimu nebedibue tshibingu, ne nuenu nenuhendibue ne bihendu bidibo bahenda nʼabi bantu banyi.

Nahume 3:19

Kakuena diondaha dia mputa webe, mputa webe wa lubangu kena ûma. Bonso badi bunvua lumu luebe nebakubingile bibingu, nganyi mene udi bubi buebe kabuyi buanze kufika kudiye ku musangu ne ku musangu?

Sefanya 2:15

Musoko eu wakadi bantu basankila bikole, bashikame kabayi ne ntatu, wakadi udiamba ne, Meme ndiku, kakuena musoko mukuabo, anu meme. Monai, mudiu mulue tshihela tshia hatuhu, muaba wa nyama ya mu mpata kulala! Muntu yonso udi uhitshilaku nêle tshibingu, uhoha ne tshianza.

Didimanyisha 18:20

Nusanke bua bualu buau, wewe diulu, ne nuenu basanto, ne nuenu bapostolo, ne nuenu baprofete; bualu bua Nzambi wakamulumbuluisha ne dilumbuluisha dienu.