Yobe 24:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Aba mbantu badi batombokela munya; kabena bamanye nshila yau, ne kabena bananukila kuenda mu nshila yau.

MUKANDA WA MYIDI MUKULU

¹³ Bantu babi badi babenga butoke. Kabena balue kukeba njila idi Mvidi Mukulu utuleja nansha. Kabena basue kuyilonda nansha.

Yobe 24:13 Marejeleo ya Msalaba

1 Bakalenga 3:20

Yeye wakabika mundankulu, wakangata muana wanyi wakadi mulale ha buihi nʼanyi, hakadi muntu webe mulale tulu, wakamuladika mu tshiadi; wakaladika muana wandi mufue mu tshiadi tshianyi.

Yobe 24:12

Mu musoko mudi munvuika mikemu ya bantu bafuafua, ne mutshima wa muntu mutahibue mputa udi usasabala; kadi Nzambi udi ulengulula malu mabi au.

Yobe 24:14

Mushihianganyi udi ubika hahatuka diba, yeye udi ushiha bahele ne bakengi; mu butuku yeye udi bu muibi.

Yobe 24:16

Bibi badi batubula nsubu masoso butuku; mu munya badi badinshidila mu nsubu yabo; kabena bamanye munya.

Yobe 38:13

bua koko kakuate matengu a buloba, ne bua koko kitshikishilemu bantu babi, anyi?

Yobe 38:15

Munya wabu udi umushibua kudi benji ba malu mabi, ne diboko didi didibandisha didi ditshibuka.

Yobe 5:14

Badi basangakana ne mîdima mu munya, badi benda babubuta munda munya bu mudibo benza mundankulu.

Nsumuinu 4:19

Nshila wa bantu babi udi bu mîdima mikole; kabena bamanye tshidi tshibalenduisha.

Yowanane 12:35

Yesu wakabambila ne, Nenuikale ne munya munkatshi muenu anu tshituha tshihi. Endakanai hanutshidi ne munya, butuku kabunuididi; wendakana mu mîdima kena mumanye kudiye uya.

Yowanane 12:40

Yeye wakafofomesha mesu abo, wakakolesha mitshima yabo; Nunku mesu abo kâmonyi, kabamanyi mu mitshima yabo, Kabakudimunyi mitshima yabo Bua meme kubondaha.

Yowanane 15:6

Bikala muntu kai ushala munda muanyi, nebamumushe bu ditamba, neafube; badi bunguisha matamba, baêla mu kahia, adi ahla.

Yowanane 8:31

Yesu wakambila Bena Yuda bakuitabusha dî diandi ne, Binuashala mu di dianyi, nudi bayidi banyi bulelela;

Yowanane 8:44

Nuenu nudi bana ba diabolo, tatu wenu, nudi basue kuenza bu mudi nkuka ya tatu wenu. Ku tshibangidilu yeye wakadi mushihianganyi, katu wimana mu bualu bulelela, bua yeye kena ne bualu bulelela munda muandi. Hambeye dî dia mashimi, udi wamba malu andi mene; bua yeye udi muena mashimi, ne udi tatu wau.

Rome 1:32

Bantu aba, hakamanyabo mukenshi wa Nzambi ne, Bantu badi benza malu â badi bakanangane ne lufu, bobo bine batshidi bênza, ne badi bikalangana kabidi ne dî dimue ne bantu badi bênza.

Yakobe 4:17

Nunku muntu udi mumanye mua kuenza bualu buimpe ne udi kai ubuenza, bualu ebu budi bubi kudiye.

1 Yone 2:19

Bobo bakumuka munkatshi muetu, kadi kabakadi betu mene; bu bobo bikale betu, bakadi kuikala nʼetu; kadi bakumuka bua bobo bamueneshibue ne, Buonso buabo kabakadi betu mene.

Yuda 1:6

Ne banjelo bakadi kabai balamate bukelenge buabo, kadi bakashia muaba wabo mene wa kuikalamu, yeye wakubalama mu nkanu ya tshiendelele mu midima tô ne halua dituku dinene dia dilumbuluisha.