Yobe 23:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Kadi yeye udi mumanye nshila undi ngendela; ne hamaneye kunteta, nempatuke bu tshiamu tshia or.

MUKANDA WA MYIDI MUKULU

¹⁰ Kadi Mvidi Mukulu udi mumanye bimpe njila undi ndonda, kuntetaye. Meme kupatuka mu kapia anu bu tshiamu tshia mpawungi tshitoke zezeze.

Yobe 23:10 Marejeleo ya Msalaba

Genese 18:19

Nakamumanya bua yeye ayishe bana bandi ne ba mu nsubu wandi bimpe, bua bobo baye mu nshila wa Yehowa bua kuenza malu makane ne malulame, nunku Yehowa neamanye mua kuenzela Abalahama malu onso akamuambileye.

2 Samuele 22:22

Bualu bua meme nakalamata nshila ya Yehowa; tshiakenza bibi bua kusesuka kudi Nzambi wanyi.

2 Bakalenga 20:3

Yehowa, ndi nkusengelela ne, Uvuluke bu munakuenda ku mpala kuebe mu bushuwa ne mutshima mutoke, nakuenza malu mimpe ku mesu kuebe. Hezikiya wakatamba kudila.

Yobe 10:7

kadi wewe udi mumanye ne, Tshiena muntu mubi; ne kakuena muntu udi mumanye mua kunsungila mu tshianza tshiebe.

Yobe 23:7

Kuakua muntu muakane wakadi kumanya mua kutetangana nʼandi mei, ne meme nakadi kumanya mua kudibandisha kudi mulumbuluishi wanyi tshiendelele.

Yobe 23:9

Ndi mmukeba ku luseke lua tshianza tshia bakashi, kadi tshiena mua kumumona; udi utshinguluka ku tshianza tshia balume ne tshiena mua kumumona.

Yobe 31:4

Yeye kena umona nshila yanyi, kena ubala bungi bua biendedi bianyi bionso, anyi?

Yobe 31:6

(Yeye angidikishe mu tshidikishilu tshidi tshidikisha biakane, bua Nzambi amanye buakane buanyi!)

Yobe 33:9

Ndi ne mutshima mutoke, tshiena ne bualu bubi; ndi muakane, tshiena ne dihila bua malu mabi.

Yobe 6:29

Ndi nnusengelela ne, Lekelai bualu budi kabuyi buakane; e, vulukai, buakane buanyi butshidi bujalame munda muanyi.

Yobe 7:18

bua wewe udi ulua kumutangila ku dinda ku dinda, ne udi umuteta meba onso?

Misambu 1:6

Bualu bua Yehowa udi mumanye nshila wa bantu bakane, kadi nshila wa bantu babi neajimine.

Misambu 11:5

Yehowa udi uteta muntu muakane; kadi mutshima wandi udi ne muntu mubi ne muntu udi musue malu a tshimbambila lukuna.

Misambu 17:3

Wewe wakuteta mutshima wanyi; wewe wakulua kundi mu butuku; wewe wakunteta, kukumangana ne meji mabi. Mukana muanyi kabidi kamuena muamba malu mabi.

Misambu 66:10

Bualu bua wewe Nzambi wakatuteta; wakatuteta bu mudibo bateta tshiamu tshia argent mu tshikutu tshia kahia.

Misambu 7:9

Bubi bua bantu babi bushike, kadi ujadike bantu bakane; bualu bua Nzambi muakane udi uteta meji abo ne mitshima yabo.

Nsumuinu 17:3

Luesu ludiku lua kulengesha tshiamu tshia argent, tshikutu tshidiku tshia kulengeshila tshiamu tshia or; kadi Yehowa udi uteta mitshima.

Yirmeya 12:3

Kadi wewe, Yehowa, udi mu mmanye meme, wewe udi untangila, udi uteta mutshima undi nʼau kûdi; ubahatule bu mudibo bahatula mikoko mu luhangu bua kuya nʼai ku tshishihelu, ne ubalongoluele bua kufuabo dituku dia kubashiha.

Zekâya 13:9

Nengele tshituha etshi tshisatu mu kahia, nembafule bu mudibo bafula tshiamu tshia argent, nembatete bu mudibo bateta tshiamu tshia or. Nebambikile mu dina dianyi, nembunvuile. Nengambe bianyi ne, Bobo badi bantu banyi; bobo nebambe ne, Yehowa udi Nzambi wetu.

Yowanane 21:17

Wakamukonka tshiakasatu ne, Simona wa Yona, udi munsue, anyi? Mutshima wa Petelo wakanyingalala bua yeye wakamukonka tshiakasatu ne, Udi munsue, anyi? Wakamuambila ne, Mukelenge, wewe udi mumanye malu onso; udi mumanye ne, Ndi mukusue. Yesu wakamuambila ne, Udishe mikoko yanyi.

1 Korente 3:15

Biahia mudimu wa muntu, neajimishe mudimu eu wonso, kadi yeye mene neasungidibue, kadi anu bu muntu musambuke kahia.

Dielulula 8:2

Nuvuluke malu onso akanuenzela Yehowa, Nzambi wenu, bidimu ebi makumi anai hakadiye munulombole mu tshihela, bualu bua kunuhuekesha, ne kunuteta bualu bua kumanya malu akadi mu mitshima yenu, ne nudi basue kutumikila mikenji yandi, anyi kuyihidia.

2 Timote 2:19

Kadi bishimikidi bikole biakateka Nzambi bidi bijalama, bidi ne tshimanyishilu etshi ne, Mukelenge udi mumanye badi bandi; ne, Muntu yonso udi utela dina dia Mukelenge ûmuke biandi ku malu mabi.

Ebrewu 11:17

Bua ditabusha Abalahama, hakamutetabo, wakafila Isaka bu mulambu; yeye wakamana kuitabusha milayi ne disanka, wakadi ufila muanʼandi umuehele mulela;

Yakobe 1:12

Muntu udi utantamana mu mateyi udi ne disanka; bualu bua hakamanabo kumujadika, neangate tshifulu tshia butumbi tshia muoyo tshiakalaya Mukelenge badi bamunanga.

1 Petro 1:7

bualu bua kuteta kua ditabusha dienu, nasha ditetshibua ne kahia, didi ditamba ngolo udi ujimina mushinga mukole, nekusanganyibue ne butumbi ne dinemekibua ne buneme halua dibuluibua dia Yesu Kilisto.