Yobe 22:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Kadi wewe udi wamba ne, Nzambi udi mumanye tshinyi? Hadiye utangila mu midima mikole, yeye udi mua kulumbulula bilumbu, anyi?

MUKANDA WA MYIDI MUKULU

¹³ Kadi wewe udi amu webeja ne: “Tshidi Mvidi Mukulu mua kumanya ntshinyi? Udi mua kukosa nsambu yetu padi mavuba amusokoka anyi?

Yobe 22:13 Marejeleo ya Msalaba

Yobe 34:22

Kakuena midima, kakuena mufitu mukole kudi benji ba malu mabi bamanye mua kusokomena.

Misambu 10:11

Yeye udi udiamba mu mutshima wandi ne, Nzambi wakuhua muoyo; udi usokoka mpala wandi, kena utangila bualu ebu kashidi.

Misambu 139:11

Butamba bianyi ne, Bulelela mîdima neyimbuikile, ne munya udi unnyunguluka newikale bu butuku;

Misambu 139:7

Kunyi kundi mua kuya kudi kakuyi Nyuma webe? Ndi mua kunyemena kudi kunyi kudi mesu ebe kâyi ammona?

Misambu 59:7

Mona! Badi bahumuna mei mabi mukana muabo, miele ya nvita idi ku mishiku yabo. Badi bamba ne, Nganyi udi mutunvue?

Misambu 64:5

Badi badikolesha mu bualu bubi buakuhangidishabo; badi bayikilangana bua kuteyabo ndende mu musokoko. Badi bamba ne, Watangila malu â nganyi?

Misambu 73:11

Badi bamba ne, Nzambi udi mumanye munyi? Mutambe Bunene wa mu diulu udi ne lungenyi, anyi?

Yeshaya 29:15

Mulau wikale kudi bantu badi bafundika bifufu biabo muinshi mule bua kubisokoka ku mesu kua Yehowa, ne badi ne midimu yabo mu midima, badi bamba ne, Muntu kai udi mutumone? Muntu kai udi mummanye?

Yirmeya 23:24

Yehowa udi ukonka ne, Muntu udi mua kusokoma miaba ya mu busokoko indi tshiyi mumanye mua kumutangila, anyi? Yehowa udi ukonka ne, Tshiena ngûsha diulu ne buloba tente, anyi?

Yezekiyele 8:12

Hashishe Yehowa wakangambila ne, Muana wa muntu, udi umona bu mudi bakulu ba mu tshisamba tshia Bena Isalele benza mu mîdima, muntu ne muntu mu nsubu wandi wa mindidimbi, anyi? Bua badi bamba ne, Yehowa kena utumona; Yehowa wakulekela buloba buetu, wakumuka.

Yezekiyele 9:9

Hashishe yeye wakangambila ne, Bubi bua Bena Isalele ne bua Bena Yuda budi buhita hunene, buloba budi bûle tente ne kumatshisha kua mashi, ne musoko udi mûle tente ne kunyanga kua bilumbu bia bantu. Bualu bua badi bamba ne, Yehowa wakulekela buloba buetu, ne Yehowa kena utumona.

Amosa 9:2

Nansha biumbulabo dina tô ne ku Muaba wa Bafue, tshianza tshianyi netshibakuateku; nansha biabandabo tô ne mu diulu, nembatulule hanshi.

Amosa 9:3

Nansha biabutamabo ku mutu kua Kâmele, nembakebeku ne nembakuate bua kubumushaku; nansha biasokomabo ku mesu kuanyi mu ndondo wa mai manene, nengele nyoka dî mu muaba wawa bua yeye abasume.

Sefanya 1:12

Mu tshikondo atshi nenkebekebe mu Yelushalema ne minda, nenkengeshe bantu badi bashikame tshianana bua maluvu a nyinyo musambakena ha bisekeseke, badi bamba mu mitshima yabo ne, Yehowa kena wenza malu mimpe, kena wenza malu mabi.