Yobe 19:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Monai, ndi ngela dî dikole ne, Badi bakeba kunshiha, kadi kabena bunvua dî dianyi; ndi ngela di dikole ne, Unkuatshishe, kadi kulumbulula kuakane kakuenaku.

MUKANDA WA MYIDI MUKULU

⁷ Pandi ngela mbila bua bangambuluishe, muntu nansha umue kena unteleja. Ndi ndomba bua bakose nsambu yanyi pa yoyi, muntu nansha umue kena undumbuluila.

Yobe 19:7 Marejeleo ya Msalaba

Yobe 10:3

Bidi bimpe ku mesu kuebe bua wewe kunkengesha, bua wewe kubenga mudimu wa bianza biebe, ne bua wewe kutemesha munya webe ku meji a bantu babi, anyi?

Yobe 16:21

bua yeye ajadike buakane bua muntu mu tshilumbu tshiandi ne Nzambi, ne buakane bua muntu mu tshilumbu tshiandi ne muena mutumba nʼandi.

Yobe 21:27

Bushuwa, ndi mumanye meji enu, ne meji a budimu anudi nʼau munda muenu bua kungenzela bibi.

Yobe 30:20

Ndi ndila kûdi ne kuena witaba kundi, ndi ngimana kulu ne udi unjoja talalâ.

Yobe 30:24

Kadi muntu udi wamba kukuluka kena wolola tshianza tshiandi mulu, anyi? Anyi bikaleye ne dikenga, kena wela dî diandi kudi bakuabo bua bamukuatshishe, anyi?

Yobe 30:28

Ndi ngendakana mufikishibue, kadi kembua munya; ndi mbika mu disangisha dia bantu, ndila dikuatshisha diabo.

Yobe 34:5

Bualu bua Yobo udi wamba ne, Ndi muakane; Nzambi wakunyenga kulumbulula kuakane kundi.

Yobe 40:8

Wewe udi musue kuvuisha kulumbuluisha kuanyi kuakane ne, Kudi tshianana, anyi? Udi musue kunuisha meme bua wewe umanye mua kubingishibua, anyi?

Yobe 9:24

Buloba budi bufidibua mu bianza bia bantu babi; yeye udi ubuikila mesu a balumbuluishi babu. Bikaleye kayi wenza nunku,— udi wenza bualu ebu nganyi?

Yobe 9:32

Bualu bua yeye kena muntu bu meme bua meme kumukudimuna dî, bua tuetu kulua hamue mu tshilumbuluidi.

Misambu 22:2

Aka, Nzambi wanyi, ndi ndila kûdi mu munya, kadi wewe kuena witaba; ndi ndila kûdi mu diba dia butuku, kadi tshiena nsangana dikisha.

Misambu 22:3

Kadi wewe udi wa tshijila, udi mushikika mu nkuasa wa butumbi munkatshi mua butumbi bua Bena Isalele.

Yirmeya 20:8

Misangu yonso hanakeba kuamba dî, ndi ndila bianyi, ndi ndila ne, Nvita ne kubutuka; bualu bua dî dia Yehowa diakulua kundi bu tshintu tshia kuhendabo ne tshia kusekabo dituku dijima.

Muadi 3:8

Bulelela, banadila, hanakeba dikuatshisha, udi ukanda kulomba kuanyi.