Yobe 11:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Adi ahita diulu bule, udi mua kuenza tshinyi? Adi atamba Muaba wa Bafue ku ndondo; udi mua kumanya tshinyi?

MUKANDA WA MYIDI MUKULU

⁸ Bukole buende mbupite bua diulu, tshiudi mua kuenza ntshinyi? Budi ne bondoke bupite bua dijimba dia bafue, tshiudi mua kushikuluja ntshinyi?

Yobe 11:8 Marejeleo ya Msalaba

2 Kulondolola 6:18

Kadi Nzambi mene neashikame munkatshi mua bantu ba ha buloba bulelela, anyi? Tangila, wewe udi uhita diulu ne muaba udi ha mutu ha diulu bunene; ka bu mudi nsubu eu unakukuibakila neatambe bukese!

Yobe 11:9

Adi atamba buloba bule ku tshidikishilu tshiau, adi atamba mai manene bunene buau.

Yobe 22:12

Nzambi kena mulu mu diulu, anyi? Tangila mitoto idi mitambe kuikala mulu mule!

Yobe 26:6

Muaba wa Bafue udi hatoke tô ku mpala kua Nzambi, ne Abadona kena ne tshibuikilu.

Yobe 35:5

Tangila mu diulu, mona biebe; tangila matutu adi makuhite bule!

Yobe 37:23

Katuena bamanye mua kujingulula malu onso a Wa Bukole Buonso; yeye udi munene mu bukole buandi, ne bualu bua yeye udi ne buakane bukumbane bua bungi, kena ukengesha muntu tshianana.

Yobe 38:17

Bakusokoluela bibi bia ku lufu, anyi? Wewe wakumona bibi bia ku mundidimbi wa lufu, anyi?

Yobe 7:9

Bu mudi ditutu ditangadika ne dijimina, nunku muntu wahueka mu Muaba wa Bafue kena uhingana kabidi,

Misambu 103:11

Bua bu mudi diulu kulu kule ha mutu ha buloba, mbu mudi bunene bua luse luandi lujalame kudi badi bamunemeka.

Misambu 148:13

Batumbishe dina dia Yehowa, bualu bua dina diandi nkayadi didi ditumbishibua; butumbi buandi budi ha mutu ha buloba ne diulu.

Misambu 36:6

Buakane buebe budi bu mikuna ya Nzambi, kulumbulula kuebe kuakane kudi bu ndondo wa mu mai manene. Yehowa, wewe udi ulama bantu ne nyama bua kuikalabi ne muoyo.

Nsumuinu 30:4

Wakubanda mu diulu, wakahueka hanshi kabidi nganyi? Wakusangisha luhehele mu bianza biandi bitunya nganyi? Wakukuta mai mu tshivualu tshiandi nganyi? Wakujadika matshika onso a kunfudilu kua buloba nganyi? Dina diandi nganyi, ne dina dia muanʼandi nganyi? Bulelela, wewe udi mumanye!

Yeshaya 55:9

Bualu bua bu mudi diulu dihita buloba kuikala mulu, muomumue mudi nshila yanyi ihita nshila yenu kuikala mulu, ne mudi meji anyi ahita meji enu kuikala mulu.

Amosa 9:2

Nansha biumbulabo dina tô ne ku Muaba wa Bafue, tshianza tshianyi netshibakuateku; nansha biabandabo tô ne mu diulu, nembatulule hanshi.