Yirmeya 1:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Yehowa wakamba ne, Kuikadi ne buowa kudibo, hualu bua ndi nʼebe bua kukuhandisha.

MUKANDA WA MYIDI MUKULU

⁸ Kutshinyi bantu aba to, bualu ndi nebe bua kukusungidila. Ke bivua Maweja-Nangila mungambile.

Yirmeya 1:8 Marejeleo ya Msalaba

Ekesode 3:12

Nzambi wakamba ne, Bulelela, nengikale nʼebe, nenkuhe tshimanyinu etshi tshidi tshilesha ne nakukutuma hawahatula bantu badi mu Ejipitu, nenutendelele Nzambi ha mukuna eu.

Yeshaya 43:2

Hawahitshila mu mai, nengikale nʼebe; hawahitshila mu misulu, kayena ihasalala ha mutu hebe; hawahita mu kahia, kuena ushila, ludimi lua kahia kaluena lukuosha.

Yeshaya 51:12

Meme, meme mene, nyeye udi unusumba; wewe nnganyi bua kutshina muntu ulualua kufua, ne muana wa muntu udi uvuishibua bu mashinde?

Yeshaya 51:7

Nungunvuile, nuenu badi bamanye buakane, badi ne diyisha dianyi dia mikenji mu mitshima yenu; kanutshinyi bihendu bia bantu, buowa kabunukuatshi bua matuka abo.

Yirmeya 1:17

Nunku suika mukaba mu tshimono tshiebe, juka, ubambile mei onso andi nkuambila. Kuzakadi bua bualu buabo, bua meme tshikuzakashi ku mpala kuabo.

Yirmeya 1:19

Yehowa wakamba ne, Nebaluangane nʼebe, kadi kabena bakuhita bukole; bualu bua meme ndi nʼebe bua kukuhandisha.

Yirmeya 20:11

Kadi Yehowa udi nʼanyi bu muena bukitu mukole ne mukuatshishi wa buowa, nunku bankengeshi nebalenduke, kabena bampita bukole; nebafuishibue bundu tshishiki, bualu bua kabakuenza muanda wakadibo basue kuenza; nebafuishibue bundu bua tshiendelele, budi kabuyi mua kuhuibua muoyo.

Yirmeya 30:11

Yehowa udi wamba ne, Ndi nʼebe bua kukusungila. Nembutule bisamba abi bionso kashidi binakunumuangalasha munkatshi muabo, kadi tshiena nkubutula wewe kabutu. Nenkubele ne kulumbulula kuakane, kadi tshiena nkulekela tshianana, kuyi mukengeshibue.

Yirmeya 39:11

Nebukadenesâ, mukelenge wa Babulona, wakelela Nebuzaladana, kapitene ka bansentedi, mukenji bualu bua Yelemiya ne,

Yirmeya 42:11

Yehowa udi wamba ne, Kanutshinyi mukelenge wa Babulona unudi nutshina katataka, kanumutshinyi; bualu bua meme ndi nʼenu bua kunusungila ne bua kunuhandisha mu bianza biandi.

Danyele 3:17

Biasua Nzambi wetu utudi tukuatshila mudimu kutusungila, yeye neatuhandishe ku tshikutu tshia kahia kakole ne mu tshianza tshiebe kabidi, mukelenge.

Danyele 3:25

Yeye wakabakudimuna ne, Monai, ndi ntangila bantu banai basuluke, bendakana mu kahia, kabayi ne bualu. Tshinfuanyi tshia muinai tshidi bu tshinfuanyi tshia muana mukuabo wa nzambi.

Matayi 10:26

Nunku kanubatshinyi; bualu bua bintu bionso bidi bibuikila nebibuluibue; bidi bisokoka nebisokoloke.

Matayi 28:20

nubayishe mua kuenza malu onso anakanuambila; ne monai, ndi nʼenu matuku onso tô ne kunshikidilu kua tshikondo etshi.

Bienzedi 18:10

bualu bua meme udi nʼebe, kakuena muntu wakulenga tshianza bua kukuenzela bibi; bua meme adi ne bantu ba bungi mu musoko eu.

Bienzedi 26:17

nenkusungile mu bianza bia bantu ne bia bisamba bia bende, bandi nkutuma kudibo,

Bienzedi 4:13

Hakamonabo dikima dia Petelo ne Yone, hakamanyabo ne, Kabena bamanye mikanda, badi bantu hatuhu, bakakema; bakabamanya ne, Mbakadi ne Yesu.

Bienzedi 4:29

Mukelenge, bua malu a mpindiu, utangile dikanyina diabo; uhe bantu bebe mitshima ya kuamba dî diebe ne dikima dikole,

Efeze 6:20

Bua bualu ebu ndi muloho wa Nzambi mu nkanu, bua meme kuambila bantu bualu ne dikima bu mundi nʼabu bua kubambila.

Dielulula 31:6

Nuikale ne bukole ne mitshima ya dikima, kanubatshinyi, bualu bua Yehowa, Nzambi wenu, yeye mene uyaya nʼenu; yeye kena unuhanga, kena unulekela.

Dielulula 31:8

Yehowa mene uyaya ku mpala kuebe, yeye neikale hebe, kena ukuhanga, kena ukulekela: kutshinyi, kuzakadi.

Yoshua 1:5

Kakuena muntu udi mua kuimana ku mpala kuebe tô matuku onso autshidi ne muoyo; nengikale nʼebe bu munakadi ne Mose; tshiena ukulekela, tshiena nkushiya nkayebe.

Yoshua 1:9

Tshiakukuambila, anyi? Ikala ne bukole ne mutshima wa dikima; kutshinyi, kukuatshiki buowa, bualu bua Yehowa, Nzambi webe, udi nʼebe kuonso kuwaya.