Yirmeya 1:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nembambile mei onso a kulumbulula kuanyi bua malu mabi abo onso, bualu bua bakundekela, bakuoshila nzambi mikuabo musenga wa manananshi, bakutendelela bintu biakusongabo ne bianza biabo.

MUKANDA WA MYIDI MUKULU

¹⁶ Nennyoke bena ditunga nanku, bilondeshile mushindu undi mukose tshilumbu tshiabu, bua malu mabi onsu adibu benze. Bantu aba bavua bambenge meme, baye kulambula milambu kudi mvidie mikuabu. Bavua batendelele mvidie, mvidie ivuabu badienzele!

Yirmeya 1:16 Marejeleo ya Msalaba

2 Bakalenga 22:17

Bualu bua bobo bakundekela, bakuoshila nzambi mikuabo musenga wa manananshi bua kunfuishabo tshiji ku bienzedi bia bianza biabo; nunku tshiji tshianyi netshikale, katshiena tshijima ku muaba eu nansha.

2 Kulondolola 15:2

wakaya kusangakena ne Asa, wakamuambila ne, Unvuai, Asa ne Bena Yuda ne Bena Benyamina; Yehowa udi nʼenu, hantshidi nʼandi; binuamukeba, nenumuhete; kadi binuamulekela, yeye neanulekele.

2 Kulondolola 28:2

Kadi yeye wakenda mu nshila ya bakelenge ba Isalele; wakadidila Bala mpingu ya biamu kabidi.

2 Kulondolola 34:25

Bualu bua bobo bakumpidia, bakuoshela nzambi mikuabo musenga wa manananshi, bua kunfuishabo tshiji ku bienzedi bionso bia bianza biabo; nunku tshiji tshianyi tshidi ku muaba eu, katshiena tshijima nansha.

2 Kulondolola 7:19

Kadi biwasesuka, biwalekela mei anyi mafunda ne mikenji yanyi binakateka ku mpala kuebe, biwaya kukuatshila nzambi mikuabo mudimu ne bua kuyitendelela,

Yeshaya 2:8

Buloba buabo budi bûle tente ne mpingu; badi batendelela bintu bidibo basonga ku bianza biabo, bidi minu yabo mene yenza.

Yeshaya 37:19

bakela nzambi yabo mu kahia, bualu bua kayakadi nzambi mene, kadi yakadi bintu bienza ku bianza bia bantu mene, bia mitshi ne bia mabue; nunku bakayibutula.

Yeshaya 44:15

Hashishe mutshi eu newikaleku bua muntu kuwosha mu kahia. Udi wangata tshituha tshiau bu nkunyi, udi wota kahia; e, udi utemesha nʼatshi kahia, udi ulamba bidia. Bulelela, udi wenza nʼatshi nzambi, udi umutendelela; udi usonga nʼatshi luhingu, udi ulukukuila hanshi.

Yeshaya 65:3

Mbantu badi bantatshisha tshiji hatoke misangu yonso, bafila milambu ya hatuhu mu bibidi ne bosha musenga wa manananshi ha matafuadi.

Yirmeya 10:15

Idi bintu bia hatuhu bua kudinga nʼabi bakuabo; mu tshikondo tshia kuyiteta neyijimine.

Yirmeya 10:3

bualu bua bilele bia kutendelela kua bantu aba bidi hatuhu. Bidi bu mutshi udi muntu utaha muitu, udi mudimu wa muena tshisui udiye wenza ne bianza biandi.

Yirmeya 11:12

Mu diba adi ba mu misoko ya mu Yuda ne ba mu Yelushalema nebaye kudila kudi nzambi idibo boshila musenga wa manananshi, kadi yoyo kayena ibasungila mu dituku dia dikenga diabo.

Yirmeya 11:17

Bualu bua Yehowa wa misumba, wakukukuna, wakukuhisha bua wewe kukenga, bualu bua bubi bua Bena Isalele ne bua Bena Yuda, budibo bankuatshishe nʼabu tshiji, hakafilabo musenga wa manananshi kudi Bâla.

Yirmeya 15:6

Yehowa udi wamba ne, Wewe wakumpidia, wakualukila kabidi ku mihi yebe; nunku nakuolola tshianza tshianyi bua kukushiha; kukudimuna mutshima wanyi kuakuntonda.

Yirmeya 16:11

Nunku neubambile ne, Yehowa udi wamba ne, Bualu bua batatu benu bakundekela, bakulonda nzambi ya bende, bakuyikuatshila mudimu, bakuyitendelela, bakundekela ne kabakutumikila mikenji yanyi.

Yirmeya 17:13

Yehowa, wewe nditekemena dia Bena Isalele, bonso badi bakuhidia nebafuishibue bundu. Bantu badi bakulekela nebikale bu maleta mafunda ha buloba, bualu bua bakubenga Yehowa, mushimi wa mai a muoyo.

Yirmeya 18:15

Bualu bua bantu banyi bakumpua muoyo, bakuoshila nzambi ya hatuhu musenga wa manananshi; bakulenduka hakuyilabo mu nshila yabo, mu nshila yabo ya kale, bua kuendabo mu tushila tukuabo, mu tushila didi katuyi tulongolola bimpe.

Yirmeya 19:4

Bualu bua bakundekela, bakuvuisha muaba eu bu muaba wa bantu ba bende, bakuoshilamu nzambi mikuabo musenga wa manananshi, nzambi mene yakadibo kabayi bamanye, nansha bobo bine nansha batatu babo nansha bakelenge ba Yuda; bakûsha muaba eu tente ne mashi a bantu bakadi kabayi ne bualu.

Yirmeya 2:13

Bualu bua batu banyi bakuenza malu mabi abidi: bakundekela meme, mushimi wa mai a muoyo, bakudiumbuila mena a mai, mena mamane kûhuka mene, adi kâyi mua kulama mai.

Yirmeya 2:17

Kadi wewe muine kuena mudikebele bualu ebu hawakulekela Yehowa Nzambi webe, mu tshikondo tshiakakulomboleye mu nshila, anyi?

Yirmeya 2:19

Mukelenge Yehowa wa misumba udi wamba ne, Bubi buebe buine nebukusamine, kundekela kuebe bua kuhingana ku malu a tshianana nekukubele. Nunku neumanye, neumone kabidi, bu mudi muanda eu wa kulekela Yehowa Nzambi webe mmuanda mubi ne wa bululu, ne mudi ditshina dianyi kadiyi munda muebe.

Yirmeya 2:28

Kadi nzambi yebe iwakudienzela idi hanyi? Yoyo ibike, biamanyayi mua kukusungila mu dituku dia dikenga diebe. Bualu bua bu mudi bungi bua misoko yebe mbu mudi bungi bua nzambi yebe, wewe Yuda.

Yirmeya 4:12

Luhehele lutambe bukole bua kuenza nunku nelulue bua bualu buanyi; mpindiu meme kabidi nembalumbuluishe.

Yirmeya 4:28

Bua bualu ebu ba ha buloba nebase miadi, diulu nedikale difike; bualu bua nakuamba bualu ebu, nakubuhangidisha, ne tshiakukudimuna mutshima wanyi bua bualu ebu, tshiena akudimuka kabidi.

Yirmeya 44:17

Kadi bulelela, netuenze mei onso akumana kuhatuka mukana muetu bua kuoshila mukelenge mukashi wa mu diulu musenga wa manananshi ne bua kumuhongoluela milambu ya bia kunua, bu mutuakuenza mu misoko ya Yuda ne misesu ya Yelushalema, ne tuetu ne batatu betu ne banfumu betu ne baminyampala betu. Bua mu tshikondo atshi tuakadi ne bintu bia kudia bikumbane, tuakadi ne diakalengele, katuakamona dikenga.

Yirmeya 5:29

Yehowa udi wamba ne, Tshiena mbakengesha bua malu a, anyi? Mutshima wanyi kawena udisombuela kudi tshisamba bu etshi, anyi?

Yirmeya 5:9

Yehowa udi wamba ne, Tshiena mbakengesha bua malu â, anyi? Mutshima wanyi kawena udisombuela bua ba mu tshisamba bu etshi, anyi?

Yirmeya 51:17

Muntu yonso wakulua muhote udi kayi ne meji, mufudi yonso wa biamu bia or wakufuishibua bundu bua tshifuanyikishi tshiakufuleye, bualu bua mpingu yandi idi bintu bia kudinga nʼabi bantu, kamuena muhuya munda muai.

Yirmeya 7:17

Kuena utangila malu adibo benza mu misoko ya mu Yuda ne mu misesu ya Yelushalema, anyi?

Yirmeya 7:18

Bana badi bangula nkunyi, batatu babo badi batemesha kahia, bamamu babo badi benza mampa, badi balambila mukelenge mukashi wa mu diulu mikata, badi bahongoluela nzambi mikuabo milambu ya bia kunua bua kunkuatshisha tshiji.

Yirmeya 7:9

Kia! Nenuibe, nenushihe bakuabo, nenuende masandi, nenuditshihe ne mashimi, nenuoshile Bâla musenga wa manananshi, nenulonde nzambi ya hatuhu mudi kanuyi bamanye, anyi?

Yezekiyele 16:18

Wakangata bivualu biebe biakadi ne malenda mimpe, wakabiluatshishabi, wakateka manyi anyi ne musenga wanyi wa manananshi ku mpala kuabi.

Yezekiyele 24:14

Meme Yehowa nakuamba di edi, nedikale dilelela, ne meme nendienze. Tshiena mpingana ku nyima, tshiena nkufuila luse, tshiena nkudimuna bualu bunakuhangidisha mu mutshima wanyi. Nebakose tshilumbu tshiebe bu mudi bienzedi biebe ne midimu yebe. Edi ndî didi Mukelenge Yehowa wamba.

Osheya 11:2

Kadi hanakananukila kubabikila, bobo bakatamba kumuka kundi. Bakashihela Ba-Bâla milambu ya nyama, bakoshila mpingu musenga wa manananshi.

Osheya 8:6

Luhingu elu luakufuma ku buloba bua Isalele; nsenda wakulufula, ne kaluena Nzambi nansha; bulelela, muanʼeu wa ngombe wa Bena Samalea neatshibudibue bituha.

Yowele 2:11

Yehowa udi wela dî dikole ku mpala kua masalayi andi; bualu bua tshisumbu tshiandi tshia masalayi tshidi tshinene, bualu bua muenji wa dî diandi udi ne bukole. Bualu bua dituku dia Yehowa didi dinene, didi dikuatshisha bantu buowa bukole; nganyi washindama ku mpala kuadi?

Bienzedi 7:41

Mu matuku au bakenza muana wa ngombe, bakashihela luhingu nyama, bakasanka bua bintu biakenzabo ne bianza biabo.

Dielulula 28:20

Yehowa neanutumine milau ne makenga ne mahumbisha mu malu anudi nuenza ne bianza bienu, tô ne hanuajimishibua ne hanûmushibua lubilu ha buloba; bualu bua bubi bua bienzedi bienu, bua nuakundekela.

Dielulula 31:16

Yehowa wakambila Mose ne, Tangila, wewe neulale tulu ne bankambua bebe; ne bantu aba nebabike, nebalonde malu a masandi a nzambi ya bende ya mu buloba buyayabo, nebandekele, nebashihe tshihungidi tshituakahunga nʼabo.

Yoshua 24:20

Binualekela Yehowa, binuakuatshi la nzambi ya bende mudimu, hashishe yeye neakudimuke, neanukengeshe, neanubutule, yeye mumane kunuenzela bimpe.

Didimanyisha 9:20

Ne bantu bonso bakuabo bakashala kabai bashihibue mu bihuhu ebi, kabakakudimuna mitshima yabo bua midimu ya bianza biabo, bua kabakukuidi bademon, ne mpingu ya ngolo ne ya argent ne ya tshiamu tshia mitaku ne ya dibue ne ya mitshi, idi kayi mimanye mua kutangila, anyi kunvua, anyi kuenda;