Yeshaya 32:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Kabena babikila muhote kabidi ne, Udi muntu wa butumbi, kabena bamba bua muena budimu ne, Udi muntu mimene.

MUKANDA WA MYIDI MUKULU

⁵ Muntu mupote kabakumuangata kabidi ne mushinga to. Muntu wa tshidingidingi kabakumuteka kabidi mulongu wa bantu ba nsongu.

Yeshaya 32:5 Marejeleo ya Msalaba

Misambu 12:8

Bantu babi badi bendakana ku nseke yonso, hatumbishabo malu a bundu munkatshi mua bukua bantu.

Misambu 15:4

Ku mesu andi muntu mubi udi mulenguludibue; kadi udi utumbisha bantu badi banemeka Yehowa. Biaditshiheye ne bualu bubi budi bumukuata, yeye kena wandamuka ku dî diandi.

Yeshaya 32:7

Bielelu bia nvita bia muena budimu bidi bibi; udi udihangidishila biandi bienzedi bibi bua kubutula nʼabi bahele ku mei a mashimi, nansha hamba muntu muhele mei adi malelela.

Yeshaya 5:20

Mulau wikale kudi badi babikila bualu bubi ne, Mbualu buakane, ne bualu buakane ne, Mbubi; badi babala midima bu munya, badi babala munya bu midima; badi babala bintu bia bululu bu bintu bisheme ne bintu bidi bisheme bu bintu bia bululu!

Malaki 3:18

Hashishe, nenujingulule ditahuluka didi hankatshi ha bantu bimpe ne bantu babi, hankatshi ha badi bakuatshila Nzambi mudimu ne badi kabayi bamukuatshila mudimu.

1 Samuele 25:25

Ndi nkusengelela ne, Mukelenge wanyi kabadi bualu bua muntu mulembakana, Nabala, mene; bualu bua bienzedi biandi bidi bu kukudimuna kua dina diandi: Nabala ndina diandi ne buhote budi nʼandi; kadi meme, muhika webe mukashi, tshiakatangila bansongalume ba mukelenge wanyi bakatumeye.