Yeshaya 32:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Monai, mukelenge neakokeshe mu buakane, ne bakokeshi nebakokeshe mu kulumbulula kuakane.

MUKANDA WA MYIDI MUKULU

¹ Nanku mukalenga neafike, mukalenga udi ulombola bantu bende mu buakane. Balombodi ba mu bukalenga buende, nebalonde amu njila wa buakane.

Yeshaya 32:1 Marejeleo ya Msalaba

2 Samuele 23:3

Nzambi wa Isalele wakamba, dibue dia Isalele diakangambila ne, Udi ukokesha bantu ne buimpe, udi ukokesha mu ditshina dia Nzambi,

Misambu 45:1

Mutshima wanyi udi uhumuna mei adi mimpe. Ndi ngamba ne, Musambu wanyi udi bualu bua mukelenge. Ludimi luanyi ludi bu mutshi wa mai wa mufundi udi ufunda lubilu.

Misambu 99:4

Bukole bua Mukelenge budi bunanga kulumbulula kuakane. Wewe wakajadika buakane mu kulumbulula; wakulumbulula ne kulumbulula kuakane, wakuenza bienzedi biakane munkatshi mua bana ba Yakoba.

Yeshaya 11:4

kadi nealumbuluishe bahele ne buakane, neakose bilumbu bia badi ne kalolo ha buloba ne kulumbulula kuakane; neakume buloba ne tshibonge tshia mukana muandi, neashihe bantu babi ku muhuya wa ku mishiku yandi.

Yeshaya 11:5

Buakane nebuikale mukaba wa mu tshimono tshiandi, kujalama kuandi kulelela nekuikale mukaba wa ku tshifuka tshiandi.

Yeshaya 16:5

mu diba adi nkuasa wa bukelenge neajadikibue mu kuleshangana kua luse. Mukuabo neashikamemu mu kujalama kuandi kua bushuwa, mu ntenta wa Davidi mene, neikale mulumbuluishi udi ukeba kulumbulula ne kulumbulula kuakane, muikale ne lukunukunu lua kuenza bienzedi biakane.

Yeshaya 28:6

Neikale nyuma wa kulumbulula kuakane kudi muntu udi mushikame mu tshilumbuluidi, neikale bukole kudi bantu badi bihata bena nvita badi bafika ku tshibuelelu tshia musoko.

Yeshaya 33:5

Yehowa udi mutumbishibue, bualu bua udi mushikame mu diulu; wakûsha Siona tente ne kulumbulula kuakane ne buakane.

Yeshaya 4:6

Tshitandatanda netshikaleku bua kubaha dileshi mu diba dia munya mukole, ne bua kuikalatshi tshinyemenu ne tshibuikidi halua tshihuhu ne nvula.

Yirmeya 33:14

Yehowa udi wamba ne, Monai, mu matuku alualua nenshikishe dî diakane diakuamba bua Bena Isalele ne bua Bena Yuda.

Yirmeya 33:15

Mu matuku au ne mu tshikondo atshi nemmeneshile Davidi Lutonga lua buakane, yeye neajadike kulumbulula kuimpe ne buakane mu buloba.

Yezekiyele 37:24

Muntu wanyi Davidi neikale mukelenge ku mutu kuabo; buonso buabo nebikale ne mulami wa mikoko umue; nebende mu malu andi mbambila, nebatumikile mikenji yanyi, nebayenze.

Osheya 3:5

Hashishe, Bena Isalele nebahingane ne nebakebe Yehowa Nzambi wabo ne Davidi mukelenge wabo; nebalue kudi Yehowa ne ditshina, ne ku buimpe buandi mu matuku adi alua.

Zekâya 9:9

Sanka bikole, wewe muana mukashi wa mu Siona; ela mbila ne disanka, wewe muana mukashi wa mu Yelushalema. Mona, Mukelenge webe udi ulua kûdi; yeye udi muakane ne wakutamba hadi nʼandi lukuna bukole; udi ne kalolo, udi wenda ha nyima ha mpunda, ba nyima ha muana wa nyama wa mpunda mene.

Rome 5:21

Bualu bua bu muakakokesha bubi bantu ku lufu, muomumue muamanya ngasa mua kukokesha bantu bua buakane ku muoyo wa tshiendelele kudi Yesu Kilisto Mukelenge wetu.

Didimanyisha 17:14

Ne bobo nebaluangane nvita ne Muana wa Mukoko, ne Muana wa Mukoko neabahite bukole, bualu bua yeye udi Mukelenge wa bakelenge ne Nfumu wa banfumu; ne bantu badi nʼandi, babikidibue, ne basungidibue, ne ba kueyemena, nebahite bukole kabidi.

Didimanyisha 19:11

Nakatangila diulu dibululuke; ne mona, kabalu katoke, ne wakadi ushikama ba nyima haku wakabikidibua ne, Wa Kueyemena ne Mulelela; ne mu buakane buandi udi ulumbuluisha ne udi uluangana nvita.