Yeshaya 21:2 - Mukanda wa Nzambi Dihungila Dikulukulu ne Dihungila Dihia-dihia 2003

² Bakummanyisha tshikena kumona tshikole; muena lukinu udi wenza malu a lukinu, muhaudi udi uhaula. Bandaku, Elama; tshintshimika, Madai! Nempuwishe kuhumuna kuonso kuakuvuisheye ku luseke alu.

MUKANDA WA MYIDI MUKULU

² — Maweja-Nangila kundeja mu tshilota, bualu bua dikema, buenza bowa. Uvua wamba ne: “Bakengeshanganyi badi amu bakengeshangana, babutudianganyi badi amu babutulangana. Bena Elame, bangayi mvita! Bena Madayi, luishayi tshimenga! Tshiena musue bua bena Babilone batuishe kabidi bantu mikemu.”

Yeshaya 21:2 Marejeleo ya Msalaba

Genese 10:22

Bana balume ba Sheme badi nunku Elama ne Ashû ne Âpakashada ne Luda ne Alama.

2 Bakalenga 17:6

Mu tshidimu tshia tshitema tshia bukelenge bua Hoshea, mukelenge wa Ashû wakahaula Samalea, wakaya ne Bena Isalele ku Ashû, wakabashikika mu Halaha ne kukala kua musulu wa Habo wa mu Gozana ne mu misoko ya Bena Madai.

Misambu 119:158

Nakatangila batungidi ba tshitungu, malu abo akantonda, bualu bua kabena batumikila dî diebe.

Misambu 12:5

Bualu bua badi bakengesha bahele, bualu bua badi bakengela bintu badi balua mikemu, Yehowa udi Wamba ne, Nembike bianyi; nemmushikike mu muaba wa luhandu udiye ukebakeba.

Misambu 25:3

Bulelela, nansha umue wa badi bakuindila neafuishibue bundu; nebafuishe badi benzela bantu malu a bunsonge hatuhu bundu.

Misambu 60:3

Wakumueneshila bantu bebe malu makole akukengabo; wakutunuisha nyinyo yakutulenduisha.

Misambu 79:11

Dihumuna dia bena lukanu difike ku matshu ebe. Bu mudi bunene bua bukole buebe usungile bantu aba badi basungudibue bua kufuabo.

Nsumuinu 13:15

Dijingulula dimpe dia mianda didi dihetesha diakalengele, kadi nshila wa bahidi ba Nzambi udi bizakala-bizakala.

Yeshaya 11:11

Mu dituku adi Mukelenge neolole tshianza tshiandi tshiakabidi bua kuhikuleye difuka dia bantu bandi badi mu Ashû, mu Ejipitu, mu Patelosa, mu Atiopa, mu Elama, mu Shinâ, mu Hamata ne mu maloba adi ku muelelu wa mai manene.

Yeshaya 14:4

neubange kuimba musambu eu wa kutshimbisha nʼau mukelenge wa mu Babulona. Newambe biebe ne, Mona mudi mutukengeshi muholeshibue, ne mudi tshiji tshiandi tshiakudibandisheye nʼatshi tshihuwishibue!

Yeshaya 14:7

Ba ha buloba honso badi ne dikisha, badi ne ditalala, badi babisha mei abo mu kuimba kua musambu.

Yeshaya 22:6

Bena Elama bakambula nkaha ya mikete, bakalua ne bena makalu ne babandi ba ha nyima ha tubalu; Bena Kî bakasulula tshibuikilu tshia ha ngabu.

Yeshaya 24:16

Tuakunvua misambu mufume kunfudilu kua buloba mimbe ne, Muntu Muakane atumbishibue! Kadi nakamba ne, Tshinyanu tshidi tshinkuata, tshinyanu tshidi tshinkuata, mulau wankuatshi! batundianganyi ba tshitungu badi bantungila tshitungu, e, batundianganyi ba tshitungu badi batamba kuritungila tshitungu.

Yeshaya 33:1

Mulau wikale kûdi, wewe udi ubutula, ne kabakubutula; udi mutungidianganyi wa tshitungu kadi kabena banze kukutungila wewe tshitungu. Hawamana kulekela kubutula bakuabo, nebakubutule wewe; hawamana kutungila bantu bakuabo tshitungu, nebakutungile wewe tshitungu.

Yeshaya 35:10

Bantu badi Yehowa muhikule nebahingane, nebalue ku Siona bimba misambu; disanka dia tshiendelele nedikale ha mitu habo; nebahete disanka ne diakalengele; kanyinganyinga ne kuhumuna nebinyeme kule.

Yeshaya 47:6

Nakadi ne bantu banyi tshiji, nakanyanga buhianyi buanyi, nakabafila mu tshianza tshiebe; wewe kuakabafuila luse; wakuteka mutshi webe wa tshikokedi ha nshingu ya bantu banunu, wakubanemeshila bujitu.

Yirmeya 25:25

ne bakelenge bonso ba Zimeli ne bakelenge bonso ba Elama ne bakelenge bonso ba Bena Madai;

Yirmeya 31:20

Efelayima udi muanʼanyi munanga, anyi? Udi muana undi nkongoluela, anyi? Bua misangu yonso hanamujiana, ntshidi mmuvuluka. Yehowa udi wamba ne, Nunku mutshima wanyi udi umujinga, nemmufuile luse bulelela.

Yirmeya 31:25

Bualu bua nakuholesha mutshima wa muntu wakadi muhungile, nakukankamasha mitshima ya bantu bonso bakadi ne kanyinganyinga.

Yirmeya 45:3

Wewe wakuamba ne, Ndi ne mulau: Bualu bua Yehowa wakutentekasha kanyinganyinga ha mutu ha dikenga dianyi; ndi muhungile ne kutua kuanyi kua mikemu, ne tshiena mpeta dikisha.

Yirmeya 49:34

Edi ndî dia Yehowa diakalua kudi Yelemiya muprofete bualu bua Elama, ku tshibangidilu tshia bukokeshi bua Sedekiya, mukelenge wa Yuda.

Yirmeya 49:35

Yehowa wa misumba udi wamba ne, Mona, nentshibule buta bua Elama, tshieyemenu tshia bukole buabo.

Yirmeya 50:14

Nuele mualu wa nvita ku nseke yonso ya Babulona, nuenu bonso badi banana buta; numuele mikete, kanubengi kumuela mikete yenu yonso, bualu bua yeye wakuenzela Yehowa bibi.

Yirmeya 50:34

Muhikudi wabo udi mukole; Yehowa wa misumba ndina diandi; yeye neabakuile tshilumbu tshiabo biakane, bua amanye mua kuvuishila buloba dikisha ne bua kutatshisheye ba mu Babulona.

Yirmeya 51:11

Sakishai mikete, kuatai ngabu bikole; Bualu bua Yehowa wakusonsola mitshima ya banfumu ba Bena Madai, bualu bua yeye wakuhangidisha bua kubutula Babulona; bua edi ndisombuela dia Yehowa, disombuela didiye nʼadi bua ntempelo wandi.

Yirmeya 51:44

Nenkengeshe Bele mu Babulona, nempatule bintu biakumineye mukana muandi. Bena lukanu ba mu bisamba bia bantu kabena baya mu bisumbu kudiye kabidi, e, lumbu lua Babulona luakushimbuka.

Yirmeya 51:53

Yehowa udi wamba ne, Nansha biabanda Babulona tô ne mu diulu, nansha biakolesheye muaba wandi mukole kulu mene, bahaudi nebabike kudiye ba tume kundi meme.

Muadi 1:22

Mibi yabo yonso imueneke ku mesu kuebe, ubenzele bobo bu muwakungenzela meme bua ditomboka dianyi dionso; bua mikemu yanyi idi mivule, mutshima wanyi wakuhanga.

Danyele 5:28

PERES, bakutahulula bukelenge buebe, bakubuha Bena Madai ne Bena Pelasa.

Danyele 5:9

Bua muanda au mukelenge Beleshasâ wakakuatshika buowa bikole, mpala wandi wakandamuka, ne mitshima ya milono yandi yakalubakana.

Danyele 8:2

Nakamona malu â mu tshikena kumona; hanakâmona, nakamanya ne, Ndi mu Shushana, luhangu lunene lua mukelenge lua mu province wa Elama; mu tshikena kumona atshi nakadimona hehi ne musulu wa Ulai.

Danyele 8:20

Bua tshimpanga tshiwakamona tshiakadi ne nsengu ibidi, nsengu ai idi bukelenge ba Bena Madai ne Bena Pelesa.

Didimanyisha 13:10

Bikala muntu ubuesha bakuabo mu buhika, Uyaya mu buhika; bikala muntu ushiha bakuabo ne muele wa nvita, budiye nʼabu mbua kushihibua ne muele. Eku kudi ditantamana, ne ditabusha dia basanto.

1 Samuele 24:13

Lusumuinu lua bankambua betu ludi luamba ne, Bualu bubi budi bufuma kudi bantu babi; katu tshianza tshianyi katshiena tshikulenga nansha.