Yeshaya 19:2 - Mukanda wa Nzambi Dihungila Dikulukulu ne Dihungila Dihia-dihia 2003

² Nensonsole Bena Ejipitu bua kuluishangana ne Bena Ejipitu bakuabo, nebaluangane muntu yonso ne muanʼabo, muntu yonso ne muena mutumba nʼandi; ba mu musoko umue nebaluangane ne ba mu munga musoko, bena bukelenge bumue nebaluangane ne bena bukelenge bukuabo.

MUKANDA WA MYIDI MUKULU

² Maweja-Nangila udi wamba ne: “Nensonsole bena Ejipitu, bua baluishangane bobu nkayabu. Muntu nealuangane ne muanabu, tshimenga netshiluishe tshikuabu, bukalenga nebuluishe bukuabu.

Yeshaya 19:2 Marejeleo ya Msalaba

1 Bakalenga 16:21

Hashishe Bena Isalele bakadihandulula bituha bibidi; bakuabo bakalonda Tibeni, muana wa Ginata, bakamusungula mukelenge; bakuabo bakalonda Omeli.

2 Kulondolola 15:6

Bakadi babutudibue, tshisamba kudi tshisamba tshikuabo, ne musoko kudi musoko mukuabo; bualu bua Nzambi wakabatatshisha ne ntatu yonso.

Yeshaya 3:5

Bantu nebakengeshangane, muntu yonso neakengeshibue kudi mukuabo, ne muntu yonso neakengeshibue kudi muena mutumba nʼandi. Muana neadileshe ku mpala kua muntu mukole, ne muntu udi bakuabo bahetula neadileshe ku mpala kua muntu udi ne butumbi.

Yeshaya 9:21

Manashe wakudia Efelayima, ne Efelayima wakudia Manashe, ne bubidi buabo bakubunda Yuda. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yirmeya 46:12

Ba mu bisamba bia bantu bakunvua lumu lua bundu buebe, buloba budi bûle tente ne muadi webe; bualu bua muena bukitu wakalenduka kudi muena bukitu mukuabo, bubidi buabo badi badishinda diatshimue.

Yirmeya 51:46

Mitshima yenu kayiteketshi, ne kanutshinyi bienu, bua ngumu mudi nunyua mu buloba ebu. Bualu bua lumu lukuabo nelulue mu tshidimu tshimue, ne lukuabo nelulue mu tshidimu tshikuabo; diyoyo nedikale mu buloba, mukokeshi udi ufuilangana ne mukokeshi mukuabo.

Yezekiyele 38:21

Mukelenge Yehowa udi wamba ne, Nembikile muele wa nvita bua kuluangana nʼandi ha mikuna yanyi yonso; muele wa muntu yonso neukebe kutaha muanʼabo ne muntu.

Zekâya 8:10

Bualu bua ku mpala kua matuku au muntu kakaheta difutu ku mudimu wandi, anyi difutu ku mudimu wa bimuna biandi; muntu yonso wakaluhuka anyi wakabuela kakadi ne ditalala bualu bua bena lukuna bandi; bualu bua nakasonsola bantu bonso bua muntu ne muntu aluishe muena mutumba nʼandi.

Matayi 10:21

Muanʼabo ne mutu neafile muanʼabo ku lufu, tatu neafile muanʼandi, bana nebatombokele batatuʼabo ne bamamuʼabo, nebabashiheshe.

Matayi 10:36

Badi mu nsubu nebikale ne muena nsubu lukuna.

Matayi 12:25

Yeye wakamanya meshi abo, wakabambila ne, Bukelenge buonso budi buhanduluke nebufue; musoko wonso ne nsubu yonso udi uhanduluka kabiena bijalama.

Matayi 24:7

Tshisamba tshikuabo netshiluangane ne tshinga, bukelenge bukuabo nebuluangane ne bunga biole nebikaleku ne buloba nebukanke ku nseke ne ku nseke.

Marke 3:24

Biahanduluka bukelenge, bukelenge abu kabuena bumanye mua kuikala.

Balombodi 7:22

Bantu aba nkama isatu bakela mpungi; Yehowa wakabaluishisha muntu ne mukuandi nvita, ne musumba wonso; musumba wonso wakanyema tô ne ku Bete-shita ku luseke lua Zelala tô ne ku butshika bua Abele-mehola hehi ne Tabata.

Balombodi 9:23

Nzambi wakatuma nyuma mubi hankatshi ha Abimeleke ne bena Shekeme; bena Shekeme bakayila Abimeleke ku tshitungu;

1 Samuele 14:16

Batentekedi ba Shaula ba mu Gibea wa mu buloba bua Benyamina bakatangila, ne monai, tshisumbu tshia Bena Peleshete tshiakamuangalaka, bakaya eku ne eku.

1 Samuele 14:20

Shaula ne bantu honso bakadi nʼandi bakunguila hamue, bakalua bua kuluangana nvita; ne monai, muntu ne muntu wakatuisha mukuandi, kuakadi tshintompatompa tshinene.