Yeshaya 15:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Mu misesu yabo badi badiluatshisha bilulu bikayabala; ha miaba idi ha mutu ha nsubu yabo ne mu miaba minene ya misoko yabo, bantu bonso badi basa muadi, badila ne binsonshi bivule.

MUKANDA WA MYIDI MUKULU

³ Mu misesu ya mu bimenga, bantu badi bavuala bilamba bia madilu. Bonsu badi bela miyenga, badila pa mitu ya nzubu, ne mu bisalu.

Yeshaya 15:3 Marejeleo ya Msalaba

2 Samuele 3:31

Davidi wakambila Yoaba ne bantu bonso bakadi nʼandi ne, Nulonde bilulu bienu, nuangate bilulu bikayabala, nudivuadikabi, nujinge Abinê. Mukelenge Davidi wakalonda tshituadilu tshia tshitalu tshiandi.

2 Bakalenga 6:30

Hakunvua mukelenge mei a mukashi eu, wakadihanda bilulu biandi (yeye wakadi wendakana ha mutu ha lumbu); bantu bakamona ne, Yeye wakadi ne bilulu bikayabala mubishi mua bilulu hamʼbidi handi.

Yeshaya 15:2

Muana mukashi wa Dibona wakubanda ku bitendelelu bia mu mukuna bua kudilaku; ba mu Moaba badi badila ha mukuna wa Nebo, ne ha mukuna wa Medeba. Ha mitu yabo yonso hadi mabala, muedi wonso udi mubeyibue.

Yeshaya 22:1

Dî dia tshijila bualu bua tshibanda tshia tshikena kumona. Bualu kai buakunkuata mpindiu bua buonso buenu nuakubanda ha mitu ha nsubu?

Yeshaya 22:4

Nunku nakamba ne, Lekelai kuntangila, bua meme ndile bikole. Kanukebi kunsamba bualu bua kubutuka kua muana mukashi wa bantu banyi.

Yeshaya 3:24

Halua tshikondo atshi, mu muaba wa bintu bia muhuya muimpe nemuikale bintu bibole; mu muaba wa kusuikabo mukaba wa tshilulu nebasuike nshinga; mu muaba wa nsuki idi miluka bihia nemuikale mabala, ne mu muaba wakadibo baluata diyeke dimpe, nebadijingile ne tshilulu tshidi tshiosha; nsalu ya muhika misadibue ne tshiamu tshidi tshiosha nebikale mu muaba wa bulengele bua mpala yabo.

Yirmeya 19:13

Nsubu ya mu Yelushalema ne nsubu ya bakelenge ba Yuda, nsubu idibo banyanga, neyikale bu muaba wa Tofete, nsubu yonso mene kuakadibo boshila bintu bionso bia mu diulu musenga wa manananshi ha mutu hai, kuakadibo bahongoluela nzambi mikuabo milambu ya bia kunua.

Yirmeya 48:37

Ha mutu ha muntu yonso hakutuka dibala, ne bakubeya muevu wa muntu yonso; ha bianza bia muntu yonso hadi mputa yakuditaheye, mu tshifuka tshia muntu yonso mudi bilulu bikayabala.

Muadi 2:10

Bakulu ba muana mukashi wa Siona badi bashikame hanshi mu buloba bahuwa talalâ; bakudiela buloba mu mitu yabo, bakudiluatshisha ne bilulu bikayabala; mishikankunde ya mu Yelushalema idi inyika mitu yabo hanshi.

Yezekiyele 7:18

Nebadiluatshishe ne bilulu bikayabala ne buowa nebubakuate; bundu nebukuate buonso buabo ku mesu, nebatuke mabala ha nutu habo bonso.

Amosa 8:10

Nenkudimune bikondo bienu bia kudia bia disanka bua kulabi bu bia madilu, ne misambu yenu yonso bua kuluayi miadi; nenvuadike bantu bonso bilulu bikayabala mu bifuka biabo, nentule dibala ha mutu wonso; nenvuishe tshikondo atshi bu tshia madilu adibo bashila muana umuehele muledibue, ne kunshikidilu kuatshi nekuikale bu dituku dia kanyinganyinga kakole.

Matayi 11:21

Wewe Kolazina, mulau ulualua kûdi! Wewe Bete-saïda, mulau ulualua kûdi! Bualu bua bu malu a kukema akenjibua munkatshi muenu, menjibue mu Tulo ne mu Sidona, bakadi kukudimuna mitshima yabo kale, baluate bilulu bikayabala, balale mu butue.

Dielulula 22:8

Hanuasa nsubu muhia-muhia, nenuenze kabidi lumbu tukese ku mutu kua nsubu, nunku muntu kahonyi hanshi, ne mashi andi kaikadi ku nsubu yenu.

Yakobe 5:1

Ahu nuenu, bantu babanshi, nudile bienu, nuele mbila bualu bua makenga akadi ba kulua kunudi.

1 Samuele 5:12

Masungu akakuata bantu bakashala ne muoyo ne mu adi wa bena musoko wakafika mu diulu.