Yeshaya 10:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Kadi halua Mukelenge kushikisha mudimu wandi wonso udiye wenzela mukuna wa Siona ne musoko wa Yelushalema, yeye neakengeshe bienzedi bia mu mutshima wa diambu wa mukelenge wa Ashû, neuhuekeshe butumbi bua kudilesha kuandi.

MUKANDA WA MYIDI MUKULU

¹² Pikala Maweja-Nangila mumane kujikija mudimu wende pa mukuna wa Siyone ne mu Yerushalayime, neanyoke kabidi mukalenga wa bena Ashure, bualu udi uditambisha, upepeja bantu bakuabu.

Yeshaya 10:12 Marejeleo ya Msalaba

2 Bakalenga 19:31

Bualu bua difuka dia bantu nediluhuke mu Yelushalema, nedihanduke ku mukuna wa Siona; lukunukunu lua Yehowa nebimane bualu ebu.

Misambu 18:27

Bualu bua udi ubandisha bantu badi badihuekesha; kadi udi uhuekesha badi ne mesu a dihetu,

Misambu 21:10

Wewe neubutule bana baledibue kudibo, neubumushe ha buloba, neumushe tunkanunuma tuabo munkatshi mua bukua bantu.

Misambu 76:10

Bulelela, tshiji tshia bantu netshikutumbishe; wewe neudiluatshishe ne tshiji tshidi tshishala.

Misambu 76:5

Bena mitshima nutantamane bakulua bu bintu bia kunyenga; bakumana kulala mu tulu tuabo; bena bukitu aba kabakadi ne bukole mu bianza biabo.

Nsumuinu 21:4

Mesu adi ne dihetu ne mutshima udi udibandisha bidi disanka dia bantu babi, bidi malu mabi.

Nsumuinu 30:13

Bantu badiku,—mona mudi mesu abo ne dihetu, ne mudibo bahanda mesu mulu!

Yeshaya 2:11

Mesu a diambu a bantu neinamishibue, dihetu dia bantu banene nedihuekeshibue, ne Yehowa nkayandi neatumbishibue mu dituku adi.

Yeshaya 2:12

Bualu bua Yehowa wa misumba udi ne dituku didiye ulumbuluisha bifukibua bionso bidi biditumbisha ne bidi bidisue, ne tshifukibua tshionso tshidi tshidibandisha; nebihuekeshibue,

Yeshaya 24:21

Mu dituku adi Yehowa neakengeshe tshisumbu tshia bakokeshi ba mu diulu ne bakelenge ba hanshi ha buloba.

Yeshaya 27:7

Yehowa wakubakuma bu muakakumeye bakuabo bakabakuma, anyi? Bakushihibua bu muakashiheye bakabashiha, anyi?

Yeshaya 27:9

Bua muanda eu bubi bua Yakoba nebujimishibue, ne au mmamuma onso adi Yehowa musue bua kumûmushila bubi buandi: bua yeye avuishe mabue onso a bioshelu biandi bu mabue a luhemba adibo babotesha, bua Bashela ne mpingu idibo batendelela nʼai diba kabikadiku kabidi.

Yeshaya 29:14

nunku, tangilai, nengenze kabidi malu munkatshi mua bantu aba adi abakemesha, malu mene adi atamba kubakemesha ne adi biau malu a kukema; ne meji a bena meji babo neajimine, lungenyi lua bena lungenyi babo nelusokokibue.

Yeshaya 33:1

Mulau wikale kûdi, wewe udi ubutula, ne kabakubutula; udi mutungidianganyi wa tshitungu kadi kabena banze kukutungila wewe tshitungu. Hawamana kulekela kubutula bakuabo, nebakubutule wewe; hawamana kutungila bantu bakuabo tshitungu, nebakutungile wewe tshitungu.

Yeshaya 37:23

Wewe wakufunyina nganyi bulobo, wakuhenda nganyi? Wakubishila nganyi dî diebe? Wakubandishila nganyi mesu ebe ne diambu? Wakuenzela Wa Tshijila wa Isalele nunku!

Yeshaya 37:29

Bualu bua wakanfunyina bulobo ne bua diambu diebe diakufika ku matshu anyi, nunku nenteke ndobo wanyi ku diulu diebe, ne lukanu luanyi mukana muebe bua kukuendesha nʼalu, nenkutshingulule bua kukuhingashasha mu nshila kuwakufuma.

Yeshaya 5:15

Muntu muhuekele udi muiname, muntu munene udi muhuekeshibue, mesu a badi badibandisha adi mahuekeshibue.

Yeshaya 50:11

Ahu nuenu bonso badi batemesha kahia, ne badi baditemeshila kantolentole ka kahia, nuendakane bienu mu ndimi ya kahia kenu, ne munkatshi mua bimunyi binuakutemesha! Ebu mbualu buenu budi tshianza tshianyi tshinusunguila: bua nuenu kulala mu muaba wa makenga makole.

Yeshaya 65:7

malu mabi enu mene ne malu mabi a batatu benu diatshimue, bualu bua bakosha musenga wa manananshi ha mutu ha mikuna mile, ne bakampenda ha mutu ha mikuna mihi, nembidikishile difutu dia bienzedi biabo bia diambedi dikongoluela mu biadi biabo.

Yeshaya 9:9

Bantu bonso nebadimanye, ba mu Efelayima ne badi bashikame mu Samalea mene, badi bamba mu kudisua kuabo ne mu dikamakama dia mu mitshima yabo ne,

Yirmeya 25:29

Bualu bua, monai, ndi mbanga kukengesha musoko eu udibo binyika dina dianyi, ne nuenu nenuhange kukengeshibua, anyi? Yehowa wa misumba udi wamba ne, Kanuena nuhanga kukengeshibua; bualu bua nembikile muele wa nvita bua kutaha nʼau bonso ba ha buloba.

Yirmeya 50:18

Nunku Yehowa wa misumba, Nzambi wa Isalele, udi wamba ne, Monai, nenkengeshe mukelenge wa Babulona ne buloba buandi, bu munakukengesha mukelenge wa Ashû.

Yirmeya 50:32

Muena dikamakama nealenduke, neahone, kakuyi muntu wa kumubisha kabidi; nentemeshe kadilu mu misoko yandi, nekoshe bionso bidi binunyunguluke.

Yezekiyele 31:10

Bua malu â Mukelenge Yehowa udi wamba ne, Bualu bua wakaleha tô ne mulu, wakatuma katongabela kau tô ne mu matutu, ne mutshima wau wakadibandisha bua bule buau;

Yezekiyele 31:14

bua mitshi mikuabo idi hehi ne mai kayimanyi mua kudibandisha mulu, anyi kutuma tutongabela tuai mu matutu, ne bua mitshi idi mua mai kayimanyi mua kutamba mikuabo bule. Bualu bua bakahisha buonso buai bua kuluayi, bua kuhuekayimu ndondo wa buloba, munkatshi mua bukua bantu, hohamue ne badi bahueka mu Dina dia Bafue.

Danyele 11:45

Hashishe, neashimike ntenta yandi ya bukelenge hankatshi ha mai manene ne mukuna wa tshijila ne wa butumbi. Kadi neafike kunshikidilu kua muoyo wandi, kayi ne muntu wa kumukuatshisha.

Danyele 4:37

Katataka, meme Nebukadenesâ, ndi ntumbisha, ndi nganyisha, ndi nnemeka Mukelenge wa mu diulu; bualu bua bienzedi biandi bionso bidi bia bushuwa, ne malu andi adi makane; yeye udi ne bukole hua kuhuekesha badi benda ne dihetu diabo.

Dibadika 24:24

Kadi matu manene nealue kukala kua buloba bua Bena Kiti, nebakengeshe Bena Ashû, nebakengeshe Bena Ebê kabidi, yeye neikale muhaudibue kabidi.

Matayi 12:33

Nasha nuamba ne mutshi udi muimpe ne mamuma au adi mimpe, nasha nuamba ne mutshi udi mubi ne mamuma au adi mabi; bua mamuma adi amanyisha mudi mutshi wau.

Matayi 15:19

Bualu bua meshi mabi ne kushiha kua bantu ne masandi ne tshiendenda ne buibi ne mashimi ne kuhenda Nzambi bidi biluhuka mu mutshima;

Dielulula 32:27

bu meme tshiyi nutshine ne bantu badi nʼabo lukuna nebanfikishe munda, ne bobo nebabange kujingulula bimpe, neba diambe ne, Bianza bietu bidi bibandishibua, ne Yehowa kena wenza malu â onso.

1 Petro 4:17

Bualu bua tshikondo tshia dilumbuluisha kubangadi ku ba mu nsubu wa Nzambi tshiakulua, ne biadianjiladi kubanga kutudi, kunshikidilu kua badi kabai batumikila lumu luimpe lua Nzambi nekuikale tshinyi?