Yeshaya 1:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Munda mua makasa tô ne ku lubombo lua mutu kakuena muaba udi kauyi ne disama, anu mputa, biuja, ne mibundabunda mihia-mihia, bidi kabiyi bianze kukama, kabiyi bianze kujingila ne tshilulu, kabiyi bianze kutekeshibua ne manyi.

MUKANDA WA MYIDI MUKULU

⁶ Biangatshile ku makasa too ne ku mutu, pambidi penu padi amu mputa, mibundabunda, ne mputa ipatuka tufina. Muntu nansha umue kena muyisukule, kena muyele mafuta, kena nansha muyisuike.

Yeshaya 1:6 Marejeleo ya Msalaba

2 Samuele 14:25

Kakuakadi muntu mukuabo wakatumbishabo mu Isalele bua bulengele buandi bu Abashaloma; bualu bua yeye kakadi ne katoba kakese mu lubombo lua mutu wandi tô ne munda mua makasa andi.

Yobe 5:18

Bualu bua yeye udi utaha mputa, kadi udi umujingila kabidi; udi ukuma, kadi bianza biandi bidi bishikisha disama.

Misambu 77:2

Mu dituku dia makenga anyi nakakeba Mukelenge. Tshianza tshianyi tshiakadi tshiolola kudiye butuku katshiyi tshihange; muoyo wanyi wakabenga kusambibua.

Yeshaya 30:26

Bualu bukuabo kabidi, munya udi ufuma ku ngondo newikale bu munya udi ufuma ku diba, ne munya wa ku diba neuvudishibue misangu muanda mutekete, newikale bu munya wa matuku muanda mutekete, mu dituku didi Yehowa ujingila mputa ya bantu bandi, ne udi ukamisha mputa yakatahibuabo.

Yirmeya 17:9

Mutshima udi uhita bintu bionso kudinga muntu, ne udi utamba kunyanguka, muntu kai udi mua kûmanya?

Yirmeya 30:12

Bua Yehowa udi wamba ne, Kabena mua kushikisha disama diebe, ne mputa webe udi ukusamisha.

Yirmeya 30:15

Bualu kai udi udila bua mputa webe ne, Kabena mua kushikisha dikenga dianyi? Bualu bua bubi buebe budi bukole, ne bualu bua malu mabi ebe akuvulangana, nakukuenzela malu â.

Yirmeya 33:6

Monai, nempe ba mu musoko eu kusangala ne bukole bia mubidi, nenshikishe disama diabo; nembaleshe ditalala ne bushuwa bikumbana.

Yirmeya 6:14

Bakûmisha mputa wa bantu ba nyi anu kakese, bamba ne, Ditalala, ditalala; ne ditalala kadiyiku.

Yirmeya 6:7

Bu mudi mushimi uhatula mai adimu, nunku musoko udi uhatula malu mabi au; diyoyo ne kubutuka bidi biunvuibua munda muau; ku mpala kuanyi misangu yonso kudi masama ne mputa.

Nahume 3:19

Kakuena diondaha dia mputa webe, mputa webe wa lubangu kena ûma. Bonso badi bunvua lumu luebe nebakubingile bibingu, nganyi mene udi bubi buebe kabuyi buanze kufika kudiye ku musangu ne ku musangu?

Malaki 4:2

Kadi diba dia buakane nedinubandile nuenu badi banemeka dina dianyi, mibidi yenu neyondahibue mu nkenka yadi. Nuenu nenuluhuke, nenunaye bu bana ba ngombe haluhukabo mu tshikumbi.

Matayi 9:12

Hakunvua Yesu dî diabo, yeye wakamba ne, Badi ne bukole kabena ne muondahi bualu, anu badi ne mabedi.

Luke 10:34

wakalua kudiye, wakamujingila tshilulu ha mputa, wakelabu manyi ne nvinyo; wakamushikika ha nyima ha nyama wandi, wakalua nʼandi ku nsubu wa tshilala benyi, wakamulama bimpe.