Rute 4:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Yeye neikale kûdi bu musangalashi wa muoyo ne bu mudishi wa mu bununu buebe, bualu bua mamuen ebe, udi mukusue, udi muhite bana ba balume muanda mutekete buimpe kûdi, nguakamulela.

MUKANDA WA MYIDI MUKULU

¹⁵ Mukaji wa muanebe udi mukunange, mukupeshe muana. Nanku mmupite ne bana ba balume muanda mutekete.

Rute 4:15 Marejeleo ya Msalaba

Genese 45:11

nenkudishileku bualu bua bidimu bia tshiole bidi bishale bitanu; kanulu bu bahele, wewe ne bonso badi mu nsubu webe ne bintu biudi nʼabi.

Genese 47:12

Yosefe wakadisha tatuʼandi ne bana babo ne bantu bonso bakadi mu nsubu wa tatuʼandi, ku meku abo.

Misambu 55:22

Teka bujitu buebe hamʼbidi ha Yehowa, ne yeye neakukoleshe; kena witabusha tshiendelele bua bantu bakane banyungishibue.

Nsumuinu 18:24

Muntu udi ne balunda ba bungi udi udibutuisba, kadi kudi mulunda udi uhita muanʼabo ne muntu kumulamata.

Yeshaya 46:4

Tô ne ku bununu buenu meme ndi anu mundi emu; tô ne halua nsuki yenu mitoke, nakunufuka, nennutuale, nennutuale, nennusungile.

Rute 4:16

Naomi wakangata muana, wakamuladika mu tshiadi tshiandi, wakalua ndeshi wandi.

1 Samuele 1:8

Hashishe, Elekana bayandi wakamukonka ne, Hana, udi udidila tshinyi? Kuena udia bua tshinyi? Mutshima webe udi unyingala bua tshinyi? Meme tshiena muhite bana ba balume dikumi kudi, anyi?

1 Samuele 2:5

Bakadi bukuta mafu bakabuela mu mudimu bua kuangatabo bidia: bakadi ne nzala kabena ne nzala kabidi: wakadi nkumba wakalela bana muanda mutekete: wakadi ne bana ba bungi udi unyingalala.