Rute 2:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Hashishe Boaza wakambila Luta ne, Muanʼanyi, kuena munvue, anyi? Kuyi bua kuhumbulula mpumbuluila mu budimi bukuabo, kumuki kunoko nansha, kadi ushale ne bakashi benji banyi ba mudimu.

MUKANDA WA MYIDI MUKULU

⁸ Bowaze umvua nanku, kuambilaye Rute ne: — Teleja, nkuambile. Kuena mua kumuka mu budimi ebu kuya kupumbulula biakudia mu budimi bukuabu to. Shala pamue ne bakaji bena mudimu banyi.

Rute 2:8 Marejeleo ya Msalaba

2 Bakalenga 5:13

Hashishe bantu bandi bakasemena ha buihi nʼandi, bakamukonka ne, Tatu wetu, bu muprofete mukuambile bua wewe kuenza bualu bunene, kuakadi kubuenza, anyi? Bualu budi butamba kukutonda muakuambeye ne, Wowe mai, wikale muakane, munyi?

Lewitiki 19:9

Hanuahuola bintu binuakakuna mu buloba, kanuhuodi ku matengu a madimi, kanusangishi bintu bionso binudi nuhuola.

Matayi 9:2

Bakalua ne muntu wakadi ne disama dia kaneke mulale ha bulalu; bakatangila Yesu ditabusha diabo, wakambila muena kaneke ne, Muanʼanyi, kolesha mutshima webe, mibi yebe idi mijimishibue.

Matayi 9:22

Yesu wakatshinguluka, wakamumona, wakamuambila ne, Muanʼanyi, kolesha mutshima webe, kuitabusha kuebe kuakukusungila. Ha diba adi mene mukashi au wakakoleshibua.

Filipe 4:8

Bana betu, tshiashadidi mpindiu, ne, Malu onso adi malelela, ne malu onso adi a buneme, ne malu onso adi makane, ne malu onso adi a butoke bua mutshima, ne malu onso adi malengele a dinanga, ne malu onso adi ne lumu luimpe; bikalaku buimpe ne bikalaku butumbi, nuelangane meshi a malu â.

Rute 2:7

yeye wakungambila ne, Ndi nkusengelela, anji kuitabusha bua meme kuhumbulula mpumbuluila ku nyima kua banowi munkatshi mua bisumbu bia orge, nunku yeye wakalua wakashala diandi to ne katataka, anu hakayeye mu nsubu tshituha.

Rute 2:9

Mesu ebe ikale ku budimi budibo banowa, ubalonde, meme tshiakamana kudimusha bansongalume ne, Kanumulengi bianza, anyi? Biakusuma nyota, uye biebe ku milondo ya mai, unue mai akasunabo kudi bansongalume.

1 Samuele 3:16

Hashishe Eli wakabikila Samuele, wakamba ne, Samuele, muanʼanyi. Yeye wakamuitaba ne, Ndiku.

1 Samuele 3:6

Yehowa wakamubikila kabidi ne, Samuele. Samuele wakabika, wakaya kudi Eli, wakamba ne, Ndiku, bualu bua wewe wakumbikila. Wakumukudimuna ne, Tshiakakubikila, muanʼanyi, ya ulale biebe.