Rome 12:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Mu dinanga dia bana benu ba mu Kilisto nunangangane, muntu ne muntu; mu buneme muntu ne muntu ateke mukuabo ku mpala.

MUKANDA WA MYIDI MUKULU

¹⁰ Nanganganayi, mudi bana ba muntu umue banangangana. Nunemekangane ne disuminyina.

Rome 12:10 Marejeleo ya Msalaba

Genese 13:9

Buloba buonso kabuena ku mpala kuebe, anyi? Ndi nkutendekena ne, Tahuluka kundi bi waya ku tshianza tshia bakashi, nenye bianyi ku tshianza tshia balume ne biwaya ku tshianza tshia balume, nenye bianyi ku tshianza tshia bakashi.

Yobe 1:4

Bana bandi ba balume bakadi ne tshilele tshia kulambishilangana bia kudia mu nsubu yabo, muntu ne muntu dituku diandi; bakadi batuma dî bua kubikila bana ba bakashi basatu bua kudia nʼabo, kunua nʼabo.

Misambu 133:1

Monai, bidi bitamba buimpe ne bia disanka bua bukua bantu badikunguishe hamue ne mutshima umue!

Yirmeya 38:12

Ebede-meleke, Muena Atiopa, wakambila Yelemiya ne, Teka mikusu ei, bilulu ebi bisunsuke, muinshi mua maha ebe, uhaike mionshi ha mutu habi. Yelemiya wakenza nunku.

Matayi 20:26

Bualu buenu kabuena nunku; wasua kulua munene munkatshi muenu neikale muena mudimu wenu;

Luke 14:10

Kadi hakubikilabo, ya biebe ushikame ha muaba udi mutambe bukese; hashishe halua wakukubikila, neakuambile ne, Mulunda, bandila biebe; wewe newikale ne butumbi ku mesu kua bantu bonso badi bashikame nʼebe ku mesa.

Yowanane 15:17

Nakunuambila malu â bua nuenu kusuangana.

Yowanane 17:21

bua buonso buabo bikale bamue; Tatu, bu mûdi munda muanyi ne meme munda muebe, bobo kabidi bikale munda muetu, bua ba ha buloba bitabushe ne, Wewe wakantuma.

Bienzedi 4:32

Tshisumbu tshia bakadi bitabusha tshiakadi ne mutshima ne musûke umue; kakuakadi muntu umue wakamba ne, Bintu bindi nʼabi mbianyi nkayanyi; kadi bakasangisha bintu bionso hohamue.

Rome 13:7

Nualukishile bantu bonso mabanza abo: mulambu kudi muenu mulambu, mpunga kudi unudi mua kuhunga, buowa kudi unudi mua kutekela buowa, buneme kudi unudi mua kunemeka.

Ngalate 5:13

Bualu bua nuenu, bana betu, nuakabikidibua bua budishikaminyi; kadi nudimuke ne budishikaminyi buenu kabulu tshia kusankisha nʼatshi mubidi, kadi bualu bua dinanga dienu nukuatshilangane mudimu.

Ngalate 5:22

Kadi mamuma a Nyuma adi dinanga, disanka, ditalala, lutulu, luse, buimpe, bunanukidi bua lulamatu,

Ngalate 5:6

Bualu bua mu Kilisto Yesu, bikala muntu mutengula anyi bikaleye kai mutengula, kakuena bualu, kadi anu ditabusha didi dienza malu mu luse.

Filipe 2:3

Kanuenji muanda bua ditahuluka anyi bua kuditumbisha kua hatuhu; kadi mu mitshima mihuekela muntu ne muntu abale mukuabo bu muntu udi umutamba yeye buimpe.

Kolose 1:4

Tuakulua lumu lua ditabusha dienu dia mu Kilisto Yesu ne bua dinanga dinudi nʼadi kudi basanto bonso,

1 Tesalonike 4:9

Kadi bualu bua dinangangana dia bana babo ba mu Kilisto, kanuedi ne bualu bua muntu anufundile dî; bualu bua nuenu nudi bayishibue kudi Nzambi bua kunangangana.

2 Tesalonike 1:3

Bana betu, butudi nʼabu mbua kusakidila Nzambi misangu yonso bua bualu buenu, bu mudibu buakane, bua ditabusha dienu didi ditamba kudiunda, ne dinanga dia buonso buenu muntu ne muntu dinudi nunangangana nʼadi didi divulangana;

Ebrewu 13:1

Dinangangana dia bana babo ba ma Kilisto dikaleku.

1 Petro 1:22

Bualu bua nuenu nuakulengesha mitshima yenu mu kutumikila kuenu kua malu a bushua bua kuikala ne dinanga dia bana benu ba mu Kilisto didi kadî ne lubombo, nunku nunangangane mu mitshima yenu bikole;

1 Petro 2:17

Nunemeke bantu bonso. Nunange bana benu ba ma Kilisto. Nutshine Nzambi. Nunemeke nfumu munene.

1 Petro 5:5

Muomumue, nuenu bansongalume, nukokele bakulumpe. E, buonso buenu nudiluatshishe ne buhuekele, bua kukuatshishangana; bualu bua Nzambi udi uhidia badi badisue, kadi udi uha badi badihuekesha ngasa.

2 Petro 1:7

ne ku buimpe bua Nzambi buenu nutentekashe dinangangana dia bana benu; ne ku dinangangana dienu dia bana benu nutentekashe luse.

1 Yone 4:11

Bananga, bikata Nzambi mutunange nunku, tuetu kabidi, butudi nʼabu mbua kunangangana.

1 Yone 4:20

Biamba muntu ne, Ndi nanga Nzambi, ne yeye udi ne muanʼabo lukuna, yeye udi muena mashimi; bualu bua udi kai unanga muanʼabo wakutangileye, kena mumanye mua kunanga Nzambi udiye kai mutangile.