Osheya 6:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bua bualu buenu, Bena Yuda bakunusunguila tshikondo tshia makenga, hanakusua kumusha bantu banyi mu buhika bua kubaha diakalengele,

MUKANDA WA MYIDI MUKULU

¹¹ Nuenu kabidi bena Yuda, ndi nnulongoluela tshikondu tshia kunowa.

Osheya 6:11 Marejeleo ya Msalaba

Yobe 42:10

Yehowa wakakudimuna dikenga dia Yobo, wakamu hingishila diakalengele, hakalombeleye balunda bandi Nzambi. Yehowa wakavudisha bintu bia Yobo bihite bia diambedi misangu ibidi.

Misambu 126:1

Hakakudimuna Yehowa buhika bua Siona bua kuhingashamu bantu bandi, tuakadi bu badi balota tshilota.

Misambu 85:1

Yehowa, wewe wakavuishila buloba buebe diakalengele; wakakudimuna buhika bua Yakoba, wakumuha diakalengele.

Yirmeya 30:10

Nunku Yehowa udi wamba ne, Kutshinyi biebe, wewe Yakoba muntu wanyi; wewe Isalele, kuikadi ne buowa; bualu bua, mona, nenkusungile ku buloba budi kule, nensungile bana bebe mu buloba bua buhika buabo. Yakoba neahingane, neikale nolâ ne ditalala, ne kakuena muntu wamutshinyisha.

Yirmeya 51:33

Bualu bua Yehowa wa misumba, Nzambi wa Isalele, udi wamba ne, Muana mukashi wa Babulona udi bu tshishihuidi mu tshikondo tshidibo bashihula blé, hahita musangu muihi, tshidimu tshia kuhuola bintu biandi netshifike.

Yowele 3:13

Tualai muele wa kunowa nʼau, bua bintu bia kunowa biakuboba. Luai, diatai; bua tshikaminu tshidi tshiule tente ne tumuma tua nvinyo. Milondo ya maluvu a nvinyo idi ihongoloka, bualu bua bubi buabo budi bunene.

Mika 4:12

Kadi kabena bamanye meji adi mu mutshima wa Yehowa, kabena bajingulula bualu budiye muhangidishe munda, kabena bamanye ne yeye wakubakunguisha bu bisumbu bia blé ku tshishihuidi.

Sefanya 2:7

Buloba budi ku muelelu wa mai manene nebuikale bua difuka dia Bena Yuda. Nebadishilemu mikoko yabo. Butuku nebalale mu nsubu ya mu Ashekelona. Bualu bua Yehowa Nzambi wabo neahingane kudibo, neabumushe mu buhika bua kubaha diakalengele.

Didimanyisha 14:15

Muanjelo mukuabo wakaluhuka mu ntempelo, wela dî dikole kudi yeye wakadi ushikama ha mutu ha ditutu ne, Utume muele webe, unowe; bualu bua diba dia kunowa diakulua, bualu bua bintu bia ha buloba bia kunowa biakulua.