Osheya 13:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Nembabunde bu nkashama udibo banyenga bana bandi, nembahande tô ne ku lukutu lua mutshima; nembafile bu mudi mukashiʼa nyama wa ntambue wenza; nyama wa mu mpata neabahande bihesa.

MUKANDA WA MYIDI MUKULU

⁸ Ndi nnubunda, mudi nyama wa nkashama wenza, padibu bamunyenga muana. Nennusunsule tshiadi tshienu. Nebanudie kudi mbua. Nyama ya tshisuku neyisunsule bitalu bienu.

Osheya 13:8 Marejeleo ya Msalaba

2 Samuele 17:8

Hushai wakamba kabidi ne, Wewe udi mumanye tatu webe ne bantu bandi badi bena bukitu, badi ne tshiji mu mitshima yabo bu nkashama wa muitu wakangatabo bana bandi; tatu webe udi muena nvita, yeye katu walala munkatshi mua bantu bandi.

Misambu 50:22

Telejai matshu enu ku dî edi, nuenu badi bahua Nzambi muoyo, bua meme tshinuhandi bihesa bihesa, kakuena wa mua kunuhandisha!

Misambu 80:13

Ngulube wa ditu udi ûnyanga, ne nyama ya mu tshisuku idi yudia.

Nsumuinu 17:12

Kusangakana ne nkashama udi ne bana bandi banyengibue kudiye kudi kutamba kusangakana ne muhote mu buhote buandi buimpe.

Yeshaya 5:29

Tshibingu tshiabo netshikale bu kudila kua nyama wa ntambue mukashi, nebele tshibingu bu mudi bana ba nyama wa ntambue badila ne nebakungule, nebakuate tshintu tshidibo banyenga, nebanyeme nʼatshi, kakuyi muntu wa kutshihandisha.

Yeshaya 56:9

Nuenu nyama yonso ya mu mpata, nulue kudia, ne nuenu nyama yonso ya muitu kabidi.

Yirmeya 12:9

Yuda, buhianyi buanyi, wakulua kundi bu nyunyu udi ne matoba matoba udi udia munyinyi, anyi? nyunyu idi idia munyinyi idi imunyunguluka bua kumuluisha, anyi? Yai bienu, nusangishe nyama yonso ya mu mpata, nulue nʼai bua kumudiayi.

Yirmeya 25:38

Yeye wakulekela tshisokomenu tshiandi bu mudi nyama wa ntambue wenza; bualu bua buloba buakulua bu tshihela bualu bua bukole bua muele wa nvita wa Yehowa, ne bua bukole bua tshiji tshiandi.

Osheya 2:12

Nenkose mionshi yandi ya tumuma tua nvinyo, ne mitshi yandi ya nfigi biakuambeye bualu buabi ne, Edi ndifutu diakumpabo kudi bannangi. Nembivuishe bu tshihuka, ne nyama ya mu mpata neyibidie.

Osheya 5:14

Bualu bua nengikale bu nyama wa ntambue kudi Bena Efelayima, ne bu muana wa nyama wa ntambue kudi Bena Yuda. Meme, meme mene, nembahande ne nengumuke; nenye nʼabo ne kakuena muntu wa babandisha.