Obadya 1:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Yehowa udi wamba ne, Nansha biwahahala mulu bu mudi nyunyu wa mukanku wenza, nansha bikala disua diebe dibakibue munkatshi mua nutoto mene, nenkutulule hanshi ku muaba au.

MUKANDA WA MYIDI MUKULU

⁴ Nansha nuenu banangapale mulu bu nyunyi ya tshiminyi, nansha nuenu bibakile disua dienu munkatshi mua mitotu, nennukulule. Meme Maweja-Nangila, ndi ngamba nanku.

Obadya 1:4 Marejeleo ya Msalaba

Yeshaya 10:14

Tshianza tshianyi tshiakaheta biuma bia bantu bu muditshi tshikuate disua dia nyunyu. Bu mudi muntu usangisha makela mu disua diakulekelabo kudi nyunyu, nakusangisha bia ha buloba bionso. Kakuakadi umue wakuolola dihuahua diandi, anyi wakubulula muinu, anyi wakudila.

Yirmeya 49:16

Bualu bua ditshina diwakutshinyisha nʼadi bakuabo ne dihetu dia mu mutshima webe biakukudinga, Yehowa udi wamba ne, Wewe udi mushikame mu miaba mikole ya mu Sela, udi ulamata miaba idi mibande ha mutu ha mikuna, nansha biwibaka disua diebe kulu bu mudi nyunyu wa mukanku wenza, nenkukulule hanshi.

Yirmeya 51:53

Yehowa udi wamba ne, Nansha biabanda Babulona tô ne mu diulu, nansha biakolesheye muaba wandi mukole kulu mene, bahaudi nebabike kudiye ba tume kundi meme.

Amosa 9:2

Nansha biumbulabo dina tô ne ku Muaba wa Bafue, tshianza tshianyi netshibakuateku; nansha biabandabo tô ne mu diulu, nembatulule hanshi.

Abakuke 2:9

Mulau wikale kudi udi wangatshila ba mu nsubu muandi luhetu ku malu mabi andi, bua kuibaka nʼalu disua diandi kulu bua kuhanduka ku makenga!