Obadya 1:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Dihetu dia mu mutshima webe diakukudinga, wewe udi mushikame mu miaba mikole ya mu mabue, udi ne tshishikaminu tshiebe mulu, udi wamba munda munda ne, Nganyi wampuekesha hanshi?

MUKANDA WA MYIDI MUKULU

³ Nudi nuditambisha, kadi nudi nudidinga. Nudi basombe pa mikuna mu mabue, miaba idi bantu kabayi mua kufika. Nudi nudiamba ne: ‘Nganyi watupatula? Nganyi watusakila panshi?’

Obadya 1:3 Marejeleo ya Msalaba

Genese 36:8

Esau wakashikama mu mukuna wa Sei Esau udi Edome.

2 Bakalenga 14:7

Wakashiha binunu dikumi bia Bena Edome mu Tshibanda tshia Luehu; wakanyenga musoko wa Sela mu nvita, wakawidika ne, Yoketele tô ne ku difuku edi.

2 Kulondolola 25:11

Amasaya wakakolesha mutshima wandi, wakaya ne bantu bandi ku Tshibanda tshia Luehu, wakashiha Bena Seî binunu dikumi.

2 Kulondolola 25:12

Bena Yuda bakakuata bantu bakuabo binunu dikumi ne muoyo, bakaya nʼabo ha mutu ha dibue dinene, bakabela hanshi ha mutu ha dibue, nunku bobo bakabakosolola bituha bituha.

Yobe 20:6

Nansha biafikeye tô ne mu diulu, nansha mutu wandi mulenge matutu,

Nsumuinu 16:18

Kudisua kudi kuya ku mpala kua dibutuka, mutshima wa kudibandisha udi uya ku mpala kua dihona.

Nsumuinu 18:12

Mutshima wa kudisua udi uya ku mpala kua dibutuka; kudihuekesha kudi kuya ku mpala kua butumbi.

Nsumuinu 29:23

Kudisua kua muntu nekumuhuekeshe, kadi udi ne mutshima muhuekele neahete buneme.

Yeshaya 16:6

Tuakunvua lumu lua diambu dia Moaba ne, Udi ne diambu dihita bukole. Tuakunvua lumu lua kudisua kuandi, lua dihetu diandi, ne lua dikamakama diandi; kufunafuna kuandi kudi bualu bua hatuhu.

Yirmeya 21:13

Yehowa udi wamba ne, Mona, ndi nkuhidia, wewe udi mushikame mu tshibanda, ne ha dibue dia mu mpata, wewe udi wamba ne, Nganyi neahuekemu bua kutuluisha? Anyi nganyi wabuela mu miaba itudi bashikame?

Yirmeya 37:9

Yehowa udi wamba ne, Kanudidingi, nuamba ne, Bulelela Bena Kasada nebatshimuke, bualu bua kabena batshimuka nansha.

Yirmeya 48:28

Nuenu badi bashikame mu Moaba, numuke mu misoko, nushikame munkatshi mua mena a mu mabue; nuikaleku bu nyunyu wa nkutshi udi wibaka disua diandi ku kala kua lubû.

Yirmeya 49:16

Bualu bua ditshina diwakutshinyisha nʼadi bakuabo ne dihetu dia mu mutshima webe biakukudinga, Yehowa udi wamba ne, Wewe udi mushikame mu miaba mikole ya mu Sela, udi ulamata miaba idi mibande ha mutu ha mikuna, nansha biwibaka disua diebe kulu bu mudi nyunyu wa mukanku wenza, nenkukulule hanshi.

Yirmeya 49:4

Bualu kai, wewe muana mukashi udi ukoma Nzambi nyima, udi wanyisha bibanda biebe, tshibanda tshiebe tshidi ne mai ahuekamu? Munyi udi weyemena luhetu luebe, wamba ne, Walua kunduisha nganyi?

Yezekiyele 28:16

Bualu bua divudisha dia bungendʼa mushinga buebe mutshima webe wakula tente ne ditomboka, ne wewe wakahona mu bubi. Bua muanda eu nakakuihata mu mukuna wa Nzambi bu tshintu tshia tshihendu kudi Nzambi, ne mukeluba, wakadi mulami wa budimi, wakakuihata bua wewe kuikadi munkatshi mua mabue adi akenka ne kahia.

Malaki 1:4

Biamba Edome ne, Bakatubutula, kadi netuibake mu bikulu kabidi, Yehowa wa misumba udi wamba ne, Base biabo, kadi meme nenguhule. Bakuabo nebababikile ne, Buloba bua bubi, ne Bantu badi Yehowa nʼabo tshiji tshiendelele.