Nsumuinu 29:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Kudisua kua muntu nekumuhuekeshe, kadi udi ne mutshima muhuekele neahete buneme.

MUKANDA WA MYIDI MUKULU

²³ Muntu udi uditambisha neupuke milongu. Kadi bua kupeta lumu, bidi bimpe kuikala ne bupuekele bua muoyi.

Nsumuinu 29:23 Marejeleo ya Msalaba

Yobe 22:29

Bualu bua Nzambi udi uhuekesha badi badibandisha, udi ubandisha udi ne mesu andi minama.

Yobe 40:12

Tangila muntu yonso udi mudisue, umuhuekeshe hanshi; diata bantu babi mu makasa mu miaba yonso idibo bimana.

Nsumuinu 11:2

Halua kudibandisha, bundu bulualua kabidi; kadi meji adi kudi bantu bahuekele.

Nsumuinu 15:33

Ditshina dia Yehowa didi diyisha dia meji, ne kudihuekesha kudi kuya ku mpala kua butumbi.

Nsumuinu 16:18

Kudisua kudi kuya ku mpala kua dibutuka, mutshima wa kudibandisha udi uya ku mpala kua dihona.

Nsumuinu 16:19

Kuikala ne mutshima muhuekele diatshimue ne badihuekeshi kudi kutamba kuabanyangana bintu binyenga mu nvita ne badisu buimpe.

Nsumuinu 17:19

Udi unanga bubi udi unanga matandu, udi ubisha tshibi tshiandi kulu udi ukeba dibutuka.

Nsumuinu 18:12

Mutshima wa kudisua udi uya ku mpala kua dibutuka; kudihuekesha kudi kuya ku mpala kua butumbi.

Nsumuinu 22:4

Difutu dia kudihuekesha ne dia ditshina dietu dia Yehowa didi bubanji, butumbi ne muoyo.

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

Yeshaya 66:2

Yehowa udi wamba ne, Bua tshianza tshianyi tshiakufuka bintu ebi bionso, ne bintu ebi bionso biakulua bianyi. Kadi eu mmuntu undi ntekemena, nyeye udi ne mutshima muhuekele ne wa majia, udi uzakala ku dî dianyi.

Obadya 1:3

Dihetu dia mu mutshima webe diakukudinga, wewe udi mushikame mu miaba mikole ya mu mabue, udi ne tshishikaminu tshiebe mulu, udi wamba munda munda ne, Nganyi wampuekesha hanshi?

Matayi 18:4

Wadihuekesha bu muana eu mukese, yeye udi mutambe bakuabo mu bukelenge bua mu diulu.

Matayi 23:12

Wadibandisha nebamuhuekeshe, wadihuekesha nebamubandishe.

Matayi 5:3

Badi bahele mu mitshima yabo badi ne disanka, bua bukelenge bua mu diulu budi buabo.

Luke 14:11

Bualu bua wadibandisha nebamuhuekeshe, wadihuekesha nebamubandishe.

Luke 18:14

Ndi nuambila ne, Muntu au wakuhueka ku nsubu kuandi mubinge, mukuabo muhile; bualu bua wadibandisha nebamuhuekeshe, wadihuekesha nebamubandishe.

Bienzedi 12:23

Muanjelo wa Mukelenge wakamukuma lukasa, bualu bua yeye kakadi utumbisha Nzambi; tuishi tuakamudia, wakahuola muoyo wandi.

Dielulula 8:16

wakanuisha ne mana mu tshihela, adi batatu benu kabayi bamanye; bualu bua kunuhuekesha ne kunuteta, bua kunuenzela bimpe mu matuku a kunshikidilu kuenu:

1 Petro 5:5

Muomumue, nuenu bansongalume, nukokele bakulumpe. E, buonso buenu nudiluatshishe ne buhuekele, bua kukuatshishangana; bualu bua Nzambi udi uhidia badi badisue, kadi udi uha badi badihuekesha ngasa.