Nsumuinu 15:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Muntu udi ukuata tshiji lukasa udi usonsola nvita, kadi udi ukuata tshiji bitekete udi ukolesha matandu.

MUKANDA WA MYIDI MUKULU

¹⁸ Muntu wa lonji udi ukeba matandu, kadi muntu wa lutulu udi watuyisha.

Nsumuinu 15:18 Marejeleo ya Msalaba

2 Samuele 19:43

Bena Isalele bakakudimuna Bena Yuda dî ne, Tuetu tudi bituha dikumi bia mukelenge, nunku tudi tunuhita bungi bualu bua Davidi; nuakatulengulula bua tshinyi? Kanuakatukonka diambedi hanuakahingisha mukelenge wetu bualu kai? Kadi mei a Bena Yuda akatamba mei a Bena Isalele bukole.

Nsumuinu 10:12

Lukuna ludi lusonsola nvita, kadi dinanga didi dikanda ditomboka dionso.

Nsumuinu 14:29

Udi kayi ukuata tshiji lubilu udi ne lungenyi lule, kadi udi ne mutshima wa lukuluku udi ubandisha buhote.

Nsumuinu 15:1

Dî dia kalolo didi diandamuna tshiji, kadi dî dikole didi disonsola tshiji.

Nsumuinu 15:19

Nshila wa mufuba udi ne luhangu lua mingonge ya meba, kadi nshila wa bantu bakane udi bu tshibebe tshibatamisha.

Nsumuinu 16:14

Tshiji tshia mukelenge tshidi messager wa lufu, muntu udi ne meji neatshitalashe.

Nsumuinu 16:28

Muena mashimi udi utudisha matandu; muena mukoso udi uhandulula balunda banangangane.

Nsumuinu 22:24

Kukuatshi bulunda ne muntu utu wakuata tshiji, kuendi diatshimue ne muena tshiji tshikole;

Nsumuinu 25:15

Udi ulesha lutulu lule udi mua kuitabushisha mulumbuluishi, ludimi ludi ne mei matekete ludi lutshibula mufuba.

Nsumuinu 26:21

Bu mudi makala mela ha mutu ha makala a kahia, bu mudi nkunyi miela mu kahia, mbu mudi muena matandu udi usonsola nvita.

Nsumuinu 28:25

Udi ne mutshima wa lukuka udi usonsola matandu, kadi udi weyemena Yehowa neavuishibue mubanji.

Nsumuinu 29:22

Muena tshiji udi usonsola ma tandu; muntu utu wafua tshiji lukasa udi utamba kubishisha ditomboka.

Muambi 10:4

Biakutekela mukokeshi tshiji, kumuki ku muaba webe nansha, bualu bua kalolo kadi katekesha bihendu bia bungi.

Matayi 5:9

Basungi ba bantu badi ne disanka, bua nebabidike ne, Bana ba Nzambi.