Nsumuinu 10:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Udi wenda ne mutshima mutoke kena ne ditshina, kadi udi ukonyangasha nshila yandi neamanyibue.

MUKANDA WA MYIDI MUKULU

⁹ Kusomba biakane nkusomba talalaa. Muntu mubi neatunduke.

Nsumuinu 10:9 Marejeleo ya Msalaba

Genese 17:1

Hakadi Abalama ne bidimu makumi tshitema ne tshitema, Yehowa wakamueneka kudi Abalama, wakamuambila ne, Ndi Nzambi wa Bukole Buonso, wenda ku mpala kuanyi, wikale muakane.

Yobe 8:20

Bulelela, Nzambi kena uhidia muntu udi muakane tshishiki, kena ujadika benji ba malu mabi.

Misambu 23:4

Nansha bingenda muhitshile mu luhongo lua mundidimbi wa lufu, tshiena ntshina bualu bubi; bualu bua wewe udi nʼanyi; tshibongo tshiebe ne tshibangu tshiebe bidi binsamba.

Misambu 25:21

Lulamatu luanyi kûdi ne buakane buanyi bindame; bualu bua ndi nkuindila.

Misambu 84:11

Bualu bua Yehowa Nzambi udi diba ne ngabu; Yehowa udi uha bantu luse ne butumbi. Kena uhala badi benda mu buakane tshintu tshimpe tshimue.

Nsumuinu 17:20

Udi ne mutshima wa mashimi kena uheta diakalengele, udi ne ludimi ludi luamba mei a buhidia ludi bibuela mu dikenga.

Nsumuinu 26:26

Bikala lukuna luandi lubuikila ne lubombo, bubi buandi nebusokolodibue mu disangisha dia bantu.

Nsumuinu 28:1

Bantu babi badi banyema kakuyi muntu udi ubihata, kadi bantu bakane badi ne dikima bu dia nyama wa ntambue.

Nsumuinu 28:18

Muntu udi wenda mu buakane neahandishibue, kadi udi wenda mu nshila mikonyangale neahone lukasa.

Nsumuinu 3:23

Hashishe, newende mu nshila webe kuyi ne ditshina, dikasa diebe kadiena dilenduka.

Matayi 10:26

Nunku kanubatshinyi; bualu bua bintu bionso bidi bibuikila nebibuluibue; bidi bisokoka nebisokoloke.

1 Korente 4:5

Nunku nulekele kulumbulula malu ku mpala kua tshikondo atshi, tô ne halua Mukelenge, neasokolole biandi malu masokoka a midima hatoke, neamueneshe biandi meshi a mu mitshima; hashishe butumbi bua kudi Nzambi nebuikale kudi muntu ne muntu.

1 Timote 5:25

Muomumue kabidi, bienzedi bimpe bidiku bidi bimueneka hatoke, ne bidi kabi nunku kabiena mua kusokokibua.