Nsumuinu 1:33 - Mukanda wa Nzambi Dihungila Dikulukulu ne Dihungila Dihia-dihia 2003

³³ Kadi muntu yonso udi ungunvuila neashikame talalâ, neikale holâ kayi ne ditshina dia dikenga dibi.

MUKANDA WA MYIDI MUKULU

³³ Kadi muntu udi unteleja udi ushala mu bupole. Neasombe talalaa kayi utshina dikenga to.”

Nsumuinu 1:33 Marejeleo ya Msalaba

Yobe 36:11

Biunvuabo dî diandi ne biamukuatshilabo mudimu, badi hashikisha matuku abo munkatshi mua diakalengele, ne bidimu biabo munkatshi mua masanka.

Misambu 81:13

Nakadi kusua bua bantu banyi bunvue mei anyi, ne bua Bena Isalele bende mu nshila yanyi!

Nsumuinu 12:21

Kakuena bualu bubi buakuata muntu muakane, kadi bantu babi badi bûle tente ne diakabi.

Nsumuinu 14:26

Udi utshina Yehowa udi ne tshieyemenu tshikole, ne bana bandi nebikale ne tshinyemenu.

Nsumuinu 9:11

Bua kundi meme matuku ebe neavulangane, ne bidimu bia muoyo webe nebileheshibue.

Muambi 8:12

Nansha muntu muenze malu mabi misangu lukama, nansha mushale ne muoyo musangu mule, bulelela, ndi mumanye ne, Badi batshina Nzambi nebahete diakalengele ku mesu kuandi, bua badi bamunemeka;

Yeshaya 26:3

Wewe udi ulama muntu udi ne mutshima wandi mujalame bua yeye ikale ne ditalala dia tshishiki, bualu bua yeye udi ukueyemena.

Yeshaya 32:17

Dimuma didi buakane bukuama nedikale ditalala, malu adi alonda buakane neikale ditalala ne ditekemena tshiendelele.

Yeshaya 48:18

Aka! Bu wewe munvue mikenji yanyi, ditalala diebe diakadi kuikala bu musulu, ne buakane buebe buakadi kuikala bu mavuala a mai manene!

Yeshaya 55:3

Telejai matshu enu, nulue kundi; nunvue bienu, nenuikale ne muoyo. Bua nempunge nʼenu tshihungidi tshia tshiendelele, tshidi luse lunajadikila Davidi kashidi.

Lewitiki 25:18

Nuenu nenutumikile mei anyi ne mikenji yanyi, nenubienze, nenushikame mu buloba talala.

Lewitiki 25:19

Buloba nebukuame bintu bia bungi, nuenu nenukute mafu tente, nenushikame bienu talala.

Matayi 17:5

Hakatshidiye wamba nunku, monai, ditutu diengelela diakababuikila; dî diakaluhuka mu ditutu ne, Eu udi Muanʼanyi munanga, yeye udi unsankisha bimpe, munvuilai.

Luke 21:19

Nenudiangatshile mioyo yenu bualu bua dinanukila dienu.

Luke 21:9

Hanunvua bualu bua nvita ne mayoyo kanutshinyi; budi malu â nʼabu mbua kulua diambedi, kadi nshikidilu kena ulua lukasa.

1 Petro 1:5

nuenu mbadi balamibua ku bukole bua Nzambi bua ditabusha tô ne ku luhandu tulongolola bubuluibua mu tshikondo tshia kunshikidilu.