Ngalate 6:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Kadi meme tshitumbidi ku muanda mukuabo; ntumbile bianyi anu bualu bua mutshi mutshiamakane wa Mukelenge Yesu Kilisto, kuakanshihelabo malu a ha buloba, ne kunakashihibua ku malu a ha buloba kabidi.

MUKANDA WA MYIDI MUKULU

¹⁴ Kadi meme tshiena musue kuditambishila ku tshintu tshikuabu, anu ku mutshi mutshiamakane wa Mfumu wetu Yezu Kristu. Bu mudibu bapopele Kristu pa mutshi mutshiamakane, bia panu bionsu mbifue bualu buanyi. Meme kabidi ndi mufue bua bia panu.

Ngalate 6:14 Marejeleo ya Msalaba

Misambu 49:6

Mbantu badi beyemena luhetu luabo, badi baditumbisha bua bungi bua biuma biabo.

Misambu 52:1

Wewe, muena tshinyangu mukole, udi ufuna bulobo mu malu mabi ebe bua tshinyi? Luse lujalame lua Nzambi ludiku matuku onso.

Yezekiyele 28:2

Muana wa muntu, ambila mukokeshi wa mu Tulo ne, Mukelenge Yehowa udi wamba ne, Wakunanga tshiadi tshiebe, wakuamba ne, Ndi Nzambi, ndi mushikame mu tshishikaminu tshia Nzambi munkatshi mua mai manene; kadi wewe udi anu muntu, kuena Nzambi, nansha wewe wela meji ne, Ndi Nzambi.

Luke 20:16

Nealue kushiha ba bidime aba, neahe bakuabo budimi buandi. Hakunvuabo dî edi dia Yesu, bakamba ne, Bualu kabulu nunku.

Rome 1:16

Bualu bua tshiena nfua bundu bua lumu luimpe; bua ludi bukole bua Nzambi ku luhandu kudi muntu yonso udi witabusha, kudi Muena Yuda diambedi, ne kudi Muena Gelika kabidi.

Rome 6:2

Nasha kakese! Tuetu bakafua ku bubi, munyi mutuikalemu kabidi?

Rome 6:6

Tudi bamanye bualu ebu ne, Muoyo wetu mukulukulu wakashihibua nʼandi ku mutshi mutshiamakane, bua mubidi wetu wa bubi kujimishibua; bua tuetu katuikadi mu buhika bua bubi kabidi.

1 Korente 1:23

kadi tuetu tudi tuamba Kilisto wakashihabo ku mutshi mutshiamakane, ntshilenduishi kudi Bena Yuda ne mbuhote kudi bisamba bia bende;

1 Korente 15:58

Nunku, bana betu bananga, nuikale bakole, nutantamane, nukumbashe mudimu wa Mukelenge misangu yonso, bualu bua nudi bamanye ne, Mudimu unudi nuenza mu Mukelenge kawena hatuhu.

1 Korente 2:2

Bualu bua nakadisungula munda bua meme tshimunyi bunga bualu munkatshi muenu, anu Yesu Kilisto, ne yeye mushihibue ku mutshi mutshiamakane.

1 Korente 3:21

Nunku muntu katumbidi mu bantu. Bualu bua bintu bionso mbienu;

2 Korente 11:12

Kadi bualu bundi ngenza nembuenze kabidi, bua meme kuhumbisha bantu badi bakeba ha kutumbilaho; nunku mu malu adibo batumbila nebabasangane muomumue nʼetu.

Ngalate 1:4

wakadifila bua malu mabi etu bua yeye atusungile munkatshi mua tshikondo etshi tshibi bu mudi disua dia Nzambi Tatu wetu;

Ngalate 2:17

Kadi bikalabo batusangane bu bantu babi hatuakadi tukeba mua kubingishibua mu Kilisto, Kilisto udi muena mudimu wa bubi, anyi? Nasha kakese!

Ngalate 2:19

Bualu bua mikenshi nakamana kufua ku mikenshi, bua meme ngikale ne muoyo kudi Nzambi.

Ngalate 2:20

Nakashihibua ku mutshi mutshiamakane ne Kilisto; nunku kememe kabidi udi ne muoyo, kadi Kilisto ngudi muoyo munda muanyi; ne muoyo undi nʼau mu mubidi katataka ndi nʼau mu ditabusha dia mu Muana wa Nzambi, wakannanga, wakadifila bua bualu buanyi.

Ngalate 3:21

Mikenshi idi ifuilangana ne milayi ya Nzambi, anyi? Nasha kakese! Bu Nzambi mutuhe mikenshi yakamanya mua kutuhesha muoyo, bulelela, buakane buakadi kufuma ku mikenshi.

Ngalate 5:24

Badi mu Kilisto Yesu bakamana kushiha mubidi ne milou yau ne nkuka yau ku mutshi mutshiamakane.

Filipe 3:18

Bualu bua ba bungi badi benda, banakanuambila malu abo misangu ya bungi, ne bandi nuambila katataka ne binsonshi ku mesu ne, Badi bena lukuna lua mutshi mutshiamakane wa Kilisto;

Filipe 3:3

Bualu bua tuetu tudi batengula badi batendelela ku Nyuma wa Nzambi ne badi batumbila mu Kilisto Yesu, ne badi kabai ne dieyemena dia malu a mubidi,

Kolose 2:20

Binuikala bafue ne Kilisto ku mayisha a kumudilu a ha buloba, ntshinyi tshinudi nuditekela ku nyima kua mikenshi ei bu munutshidi ne mioyo yenu mu buloba: ne,