Muambi 2:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Tshiakahidia nansha tshintu tshimue tshiakajinga mesu anyi; tshiakalesha mutshima wanyi nansha disanka dimue; mutshima wanyi wakasanka bua midimu yonso makela; edi ndifutu dianyi dia ku midimu yonso biakenza.

MUKANDA WA MYIDI MUKULU

¹⁰ Bionsu bimvua njinga mvua amu mbipeta. Tshivua mupange disanka nansha dimue. Eyowa, mvua mupete bintu bivule ku midimu yonsu imvua mukuate. Midimu yonsu imvua muenze ivua amu minsankishe.

Muambi 2:10 Marejeleo ya Msalaba

Genese 3:6

Hakamona mukashi ne, Mutshi au udi muimpe wa kudia ne udi muimpe ku mesu ne udi mua kuha muntu lungenyi, yeye wakangata dimuma, wakadia, wakahesha mulume wandi kabidi, ne yeye wakadia.

Genese 6:2

bansongalume ba bantu ba Nzambi bakamona bana bakashi ba bantu ba tshianana ne, Mbalengele, bakasungula bonso bakasuabo bu bakashi babo

Yobe 31:1

Nakahunga tshihungidi ne mesu anyi, nunku nakadi kumanya mua kutuhika mesu anyi kudi mushikankunde utshidi kamama bishi?

Misambu 119:37

Ukudimune mesu anyi bua kâtangidi malu a hatuhu, usangashe muoyo wanyi mu nshila yebe.

Misambu 128:2

Bua wewe neudie bia kudia biwakukuatshila mudimu ku bianza biebe; newikale ne disanka, newikale ne diakalengele.

Nsumuinu 23:5

Neutshike mesu ebe ku biuma, biobi bimane kujimina, anyi? Bua biuma bidi bidiasa mahuahua, bitua mulelu bu nyunyu bua kuya mulu.

Muambi 11:9

Wewe nsongalume, usanke mu bunsongalume buebe, mutshima webe akusankishe mu matuku a bunsongalume buebe; wende mu nshila yonso idi mutshima webe musue ne idi mimpe ku mesu kuebe; kadi Umanye biebe ne, Nzambi neakulumbuluishe bua malu au onso.

Muambi 2:1

Nakambila mutshima wanyi ne, Tuye bietu, nenkutete ne masanka; nunku usanke biebe. Monai, buakadi hatuhu kabidi.

Muambi 2:22

Muntu udi uheta tshinyi ku midimu yandi yonso yakenzeye ne yakanyingalasheye nʼai mutshima wandi muinshi mua diba?

Muambi 2:24

Kakuena disanka kudi muntu bu kudia, kunua ne kusankisha mutshima wandi mu midimu yandi. Nakatangila disanka edi ne, Ndifume ku tshianza tshia Nzambi.

Muambi 3:22

Nunku nakajingulula ne, Kakuena bualu buimpe bu bua muntu kusanka mu midimu yandi; bualu bua edi ndifutu diandi; wamuhingasha ha buloba bua kutangileye malu adi alonda ku nyima kuandi nganyi?

Muambi 5:10

Wananga biuma kena usankishibua ku biuma; wananga bubanji kena ukuta bubanji; ebu mbualu bua hatuhu kabidi.

Muambi 5:17

matuku andi onso akadi mu midima, mu kanyinganyinga, ntatu, masama ne mu tshiji tshikole.

Muambi 5:18

Monai, bualu bundi mmona buimpe ne bukumbanyine muntu: adie biandi, anue biandi ne asanke mu midimu yandi yonso idiye wenza muinshi mua diba, matuku onso a muoyo wandi adi Nzambi mumuhe; edi ndifutu diandi.

Muambi 6:2

muntu udi Nzambi uha biuma, bubanji ne butumbi ne kena uhanga tshintu, kena uheta bukole kudi Nzambi bua kuhidia; kadi muenyi udi uhidia; ebu mbualu bua hatuhu ne bua dikenga dikole.

Muambi 6:9

Kumona ne mesu kudi kutamba kujinga buakane; ebu mbualu bua hatuhu, bu kuihata kua luhehele.

Muambi 8:15

Hashishe, nakanyisha disanka, bualu bua muntu kena ne bualu buimpe bukuabo muinshi mua diba budi butamba kudia, kunua ne kusanka: bualu bua mu malu a mudimu wandi, â ke adi ashala kudiye matuku a muoyo wandi adi Nzambi mumuhe muinshi mua diba.

Muambi 9:6

Dinanga diabo ne lukinu luabo ne mukau wabo biakajimina kale; kabena ne bualu bukuabo tshiendelele mu malu onso adi enjibua muinshi mua diba.

Muambi 9:9

Usanke ne mukashi webe ûdi munange matuku onso a muoyo webe wa ha buloba akukuhabo muinshi mua diba, matuku ebe mene a ha buloba; ebu mbuebe buhianyi bua mu muoyo ne mu midimu yebe iudi wenza muinshi mua diba.

1 Yone 2:16

Bualu bua malu onso a ha buloba, lukuka lua mubidi, ne lukuka lua mesu, ne kudisua kua muoyo, kena mafume kudi Tatu, kadi adi mafume ku buloba.

Balombodi 14:2

Yeye wakabanda, wakamanyisha tatu wandi ne mamu wandi, wakamba ne, Nakatangila mukashi mu Timena wa mu bana bakashi ba Bena Peleshete, numungangatshile bu mukashi wanyi.