Muambi 12:2 - Mukanda wa Nzambi Dihungila Dikulukulu ne Dihungila Dihia-dihia 2003

² hadi diba, munya, ngondo ne mitoto kabiyi bianze kulua mîdima ne matutu kâyi manze kuhingana haloka nvula;

MUKANDA WA MYIDI MUKULU

² Diba adi, newikale mu miidima. Diba, ngondu ne mitotu kabiakukukenkela kabidi to. Nansha mvula mumane kujika, mavuba makuabu adi amu afiikisha tshibuashibuashi.

Muambi 12:2 Marejeleo ya Msalaba

Genese 27:1

Dituku dikuabo hakadi Isaka muntu mununu ne mesu andi akadi bileshileshi, kakamanya mua kutangila bimpe, yeye Wakabikila Esau muanʼandi, muanʼa bute, wa kamuambila ne, Muan anyi Yeye wakitaba ne, Ndiku.

Genese 48:10

Mesu a Isalele akadi bileshileshi bualu bua bununu buandi, yeye kakamanya mua kumona bimpe Yeye wakalua nʼabo ha buihi nʼandi, yeye wakatuangana nʼabo mishiku, wakabuhukila.

Misambu 42:7

Ndondo wa mai udi Ubikila ndondo mukuabo hunvueye tshiona tshia bibila biebe. Mavuala ebe ne mambuanka ebe onso akuhita ha mutu hanyi.

Misambu 71:20

Wewe wakundesha makenga makole a bungi neunsangashe kabidi, neumpatule kabidi mu ndondo wa mu buloba.

Misambu 77:16

Nzambi, mai akakutangila; mai akakutangila, akakuatshika buowa; e, ndondo wa mai wakakanka kabidi.

Misambu 90:10

Matuku a mu bidimu bietu adi akumbana bu bidimu makumi muanda mutekete; anyi, bituikala ne bukole, bidi mua kukumbana bidimu makumi muanda mukulu; kadi dileha diabi didi dituvuishila anu mudimu mukole ne kanyinganyinga, bualu bua bidi bihita lubilu, ne ludi tuya lukasa.

Yeshaya 13:10

Bualu bua mitoto ya mu diulu ne bisumbu bia mitoto bidimu kabiena bitema, diba nedifikuluke habandadi, ne ngondo kena ukenka ha buloba.

Yeshaya 5:30

Mu dituku adi nebele bantu aba tshibingu tshidi bu tshiona tshia mai manene; ne biamona muntu buloba, ke, mîdima ne kanyinganyinga bidiku; ne munya udi ulua midima ku matutu mafike.

Yowele 3:15

Diba ne ngondo biakuandamuka mîdima, mitoto kayena ikenka.

Matayi 24:29

Hashika dikenga dia matuku au, diba nedifikuluke, ngondo kena ukenka, mitoto neituke mûlu, neihone, nebanyukule bukole buakadi buendesha bintu ebi mu diulu;

1 Samuele 3:2

Mu tshikondo atshi hakadi Eli mulale mu muaba wandi (mesu andi akavua bileshileshi, kakamanya mua kutangila bimpe);

1 Samuele 4:15

Eli wakadi ne bidimu makumi tshitema ne muanda mukulu, mesu andi akavua bileshileshi, yeye kakadi mua kutangila bilengele.

1 Samuele 4:18

Hashishe, hakambeye dî bua mushete wa Nzambi, Eli wakadishinda bualame ku mpenge kua tshibi, nshingu wandi waka tshihuka, wakafua, bualu bua yeye wakadi muntu mununu ne wa bujitu. Wakamana kulumbulula Bena Isalele bidimu makumi anai.