Muambi 10:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Mei a mukana mua muena meji adi ne kalolo, kadi mishiku ya muhote neyimumine.

MUKANDA WA MYIDI MUKULU

¹² Padi muntu wa meji wakula, bantu badi basanka. Padi muntu mutshimbakane wakula, bantu badi badiwula.

Muambi 10:12 Marejeleo ya Msalaba

2 Samuele 1:16

Davidi wakamuambila ne, Mashi ebe ikale ha mutu hebe bualu bua mukana muebe muakukuhisha, muamba ne, Nakashiha muntu wakela Yehowa manyi ha mutu.

Yobe 16:5

Nakadi mua kukolesha mitshima yenu ne mei a mukana muanyi, ne busambi bua ku mishiku yanyi buakadi kunuholesha.

Misambu 140:9

Hadi badi bannyunguluke bahisha mitu yabo, malu mabi adi ahatuka mu mishiku yabo ahone ha mutu habo.

Misambu 37:30

Mukana mua muntu muakane mudi muamba mei a lungenyi, ludimi luandi ludi luamba kulumbulula kuakane.

Misambu 64:8

Ka nebabalenduishe, bualu bua ndimi yabo yakubahisha. Bantu bonso badi babatangila nebabakuhile mitu yabo.

Nsumuinu 10:10

Udi uvinya disu diandi udi mbisha kanyinganyinga, ne muena biakulakula neahone hanshi.

Nsumuinu 10:8

Muena mutshima wa meji udi witabusha mikenji, kadi muena biakulakula neahone hanshi.

Nsumuinu 12:18

Muntu udi wamba mei a tshiakulakula adi ataha bu muele wa nvita, kadi ndimi ya bena meji idi isangasha bantu.

Nsumuinu 15:2

Ludimi lua muena meji ludi luhatula lungenyi, kadi mukana mua bahote mudi muhatula buhote.

Nsumuinu 15:23

Disanka didi dikuata muntu bua dî didi mukana muandi muandamune; monai mudi dî diamba mu tshikondo tshiakane mudidi diakane!

Nsumuinu 19:5

Mumonyi udi ne mashimi kena uhanga kukengeshibua; udi uhatula mei a mashimi mukana muandi kena uhanduka.

Nsumuinu 22:11

Udi munange butoke bua mu tshima, udi ne mei a luse ku mishiku yandi, mukelenge neikale mulunda wandi.

Nsumuinu 26:9

Bu mudi mungonge mutue mu tshianza tshia mukuatshiki wa maluvu, mbu mudi lusumuinu mukana mua bahote.

Nsumuinu 31:26

Udi ubulula mukana muandi ne meji, diyisha dia luse didi ha ludimi luandi.

Muambi 12:11

Mei a bena meji adi bu misongolo; adi masangishibue bu misumadi mikumine bikole kudi mulami umue.

Muambi 4:5

Muhote udi udikuata bianza, udi udidia mubidi wandi.

Muambi 5:2

Mei kâluhuki mukana muebe lukasa; mutshima webe kauhatudi bualu ku mpala kua Nzambi lubilu; bualu bua Nzambi udi mu diulu, wewe udi ha buloba; nunku mei ebe ikale makehele.

Muambi 5:6

Kuitabushi bua mukana muebe kukulenduisha; kuambidi messager ne, Nakadi mutuhakane; udi musue Nzambi ikale ne tshiji bua mei ebe, ashihe mudimu wa bianza biebe bua tshinyi?

Muambi 9:17

Mei a bena meji adibo bunvua talalâ adi ahita mbila ya mukokeshi wa bahote buakane.

Matayi 12:35

Muntu muimpe udi uhatula bintu bimpe mu tshibutshilu tshiandi tshimpe; muntu mubi udi uhatula bintu bibi mu tshibutshilu tshiandi tshibi.

Luke 19:22

Wakamuambila ne, Wewe udi muhika mubi, nenkuleshe bua mei akuhatuka mukana muebe. Wewe wakamanya ne, Meme ndi muena tshinyangu, ntu ngambula tshindi tshi muteke, ntu ngahuola tshindi tshi mukune;

Luke 4:22

Bantu bonso bakamuvidila, bakakema bualu bua mei a luse akaluhuka mukana muandi, bakakonka ne, Yeye ke muana wa Yosefe, anyi?

Efeze 4:29

Dî dibi kadihatuki mukana muenu; kadi ambai anu mei mimpe adi mua kudiundisha bantu bua kuvuidishila bantu badi baunvua disanka.

Kolose 4:6

Mei enu ikale ne ngasa misangu yonso, matue bu lueho, bua nuenu mimanye mua kuandamuna muntu ne muntu dî.