Muambi 1:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Malu akadiku diambedi neikaleku; malu akenzabo diambedi nênjibue; kakuena tshintu tshihia-tshihia muinshi mua diba.

MUKANDA WA MYIDI MUKULU

⁹ Bivua bienzeka nebienzeke kabidi. Bivua bantu benze nebabienze kabidi. Kakuena bualu bupiabupia pa buloba apa to.

Muambi 1:9 Marejeleo ya Msalaba

Muambi 1:10

Tshintu tshidiku tshidibo ba manye mua kuamba ne, Tangila, etshi ntshintu tshihia-tshihia, anyi? Tshiakadiku kale, mu bikondo biakadi ku mpala kuetu.

Muambi 2:12

Nakahingana bua kutangila meji ne buhote ne malu a tshianana, kadi muntu walonda mukelenge udi mua kuenza tshinyi? Nênze anu malu akamanabo kuenza.

Muambi 3:15

Malu adiku katataka akadiku kale; ne malu adi kâyi manze kulua akadiku diambedi; Nzambi neamueneshe kabidi malu akamana kujimina.

Muambi 6:10

Tshintu tshionso tshidiku katataka tshiakamana kuidikibua dina diatshi kale; muntu udi mumanyibue kabidi, nunku kena mumanye mua kufuilangana ne udi mua kumuhita bukole.

Muambi 7:10

Kudikonki ne, Matuku a diambedi adi mahite a mpindiu buakane bua tshinyi? Bualu bua kuena ukonka bualu ebu ne meji mimpe.

Yeshaya 43:19

Monai, nengenze bualu buhia-buhia; nebumueneke mpindiu, kamina babumanye, anyi? Nengenze nshila mu tshihela, nempatule misulu mu tshihela tshia lusenga.

Yirmeya 31:22

Wewe muana mukashi wakunkoma nyima, newendakane eku ne eku musangu bule bishi? Bualu bua Yehowa wakufuka tshintu tshihia-tshihia ha buloba: mukashi neatambe mulume.

2 Petro 2:1

Kadi baprofete ba mashimi bakabika munkatshi mua bantu kabidi, bu mudi bayishi ba mashimi balua kubika munkatshi muenu, nebalue mu musokoko ne malu manutahulule ku dibutuke, bavila Mukelenge wakabahikula, badivuishila dibutuka dia lukasa.

Didimanyisha 21:1

Nakatangila diulu dihia-dihia ne buloba buhia-buhia; bualu bua diulu dia kumudilu ne buloba bua kumudilu biakumuka; ne mai manene kenaku kabidi.

Didimanyisha 21:5

Yeye udi ushikama ha nkuasa wa butumbi, wakamba ne, Mona, ndi nvuisha bintu bionso bihia-bihia. Yeye wakuamba ne, Funda; bualu bua mei â adi mei a kueyemena ne malelela.