Misambu 73:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Hanakela meji bua kumanya bualu ebu, buakuhita kunkengesha,

MUKANDA WA MYIDI MUKULU

¹⁶ Ke meme kukeba kujingulula bualu abu, kadi bivua amu binkolela.

Misambu 73:16 Marejeleo ya Msalaba

Misambu 36:6

Buakane buebe budi bu mikuna ya Nzambi, kulumbulula kuebe kuakane kudi bu ndondo wa mu mai manene. Yehowa, wewe udi ulama bantu ne nyama bua kuikalabi ne muoyo.

Misambu 39:6

Bulelela, muntu yonso udi bu mundidimbi hadiye wendakana. Bulelela, badi batatakana anu bua bualu bua hatuhu. Muntu udi ubumba mishiki ya bintu, kadi kena mumanye ne, Wabisangisha nganyi?

Misambu 77:19

Nshila webe wakadi mu mai manene, nshila yebe yakahita mu mai matambe bukole; ne biendedi biebe kabiakamanyibua.

Misambu 97:2

Matutu ne mîdima bidi bimunyunguluka; buakane ne kulumbulula kuakane bidi bishimikidi bia nkuasa wandi wa butumbi.

Muambi 1:17

Nakuteka mutshima wanyi mu kukeba kua meji ne mu kujingulula kua buhote ne malu a tshianana; nakamanya ne bualu ehu kabidi budi bu kuihata kua luhehele.

Muambi 8:17

nunku nakatangila midimu yonso ya Nzambi, nakamona ne, Muntu kena mumanye mua kujingulula midimu yonso idi mienjibue muinshi mua diba, nansha muntu munanukile bua kuyikeba, yeye kena usheta; bielangana muena lungenyi meji ne, Nakayimanya, yeye mene kena ne bukole bua kuyisangana.

Rome 11:33

Monai ndondo wa bubanshi bua meshi ne lungenyi bua Nzambi! Monai mutudi katui mua kujingulula bilumbuluidi biandi, mutudi katui mua kulonda nshila yandi!