Misambu 34:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Tumbishai nʼanyi Yehowa, tunemeke bietu dina diandi diatshimue.

MUKANDA WA MYIDI MUKULU

³ Nentumbishe Maweja-Nangila bua bivuaye muenze. Badibu bakengesha nebanteleje, basanke.

Misambu 34:3 Marejeleo ya Msalaba

1 Kulondolola 16:10

Nutumbile mu dina diandi dia tshijila; mitshima ya badi bakeba Yehowa isanke.

1 Kulondolola 29:20

Davidi wakambila bantu bonso ne, Tuvudishilai Yehowa Nzambi wetu disanka. Bantu bonso bakavu-dishila Yehowa, Nzambi wa bankambua babo, disanka, bakinama mitu yabo, bakatendelela Yehowa, bakakukuata mukelenge.

2 Kulondolola 29:30

Mukelenge Hezikiya ne bantu banene bakela mukenji kabidi bua Bena Lewi batumbishe Yehowa ne misambu ya mei a Davidi ne a Asafa, mumonyi wa malu. Bakimba misambu ne disanka, bakinama mitu yabo, bakatendelela.

Misambu 35:27

Badi basanka bua bualu buanyi buakane bele mbila ne bikale ne disanka. E bambe biabo matuku onso ne, Yehowa atumbishibue, yeye mene udi usanka mu diakalengele dia muntu udi umukuatshila mudimu.

Misambu 40:16

Bonso badi bakukeba basanke ne bikale ne disanka bua bualu buebe. Bonso badi bananga luhandu luebe bambe matuku onso ne, Yehowa atumbishibue.

Misambu 66:8

Nuenu bukua bantu, nuvudishile Nzambi wetu disanka; dî dinudi numutumbisha nʼadi diunvuike;

Misambu 69:30

Nentumbishe dina dia Nzambi ne musambu, nemmunemeke ne kusakidila kuanyi.

Misambu 69:33

Bualu bua Yehowa udi unvua dî dia badi bakengela bintu, kena uhetula bantu bandi badi bakuatshibue mu nkanu.

Yirmeya 9:23

Yehowa udi wamba ne, Muena meji katumbidi mu meji andi, muena bukitu katumbidi mu bukole buandi, muntu mubanji katumbidi mu bubanji buandi;

Yirmeya 9:24

kadi muntu udi utumba atumbile mu bualu ebu ne, Ndi mmujingulula, ndi mumumanye ne, Yeye, Yehowa mene, ngudi wenzesha luse ne kulumbulula kuimpe ne buakane ha buloba. Bua Yehowa udi wamba ne, Ndi nsanka mu malu â.

Luke 1:46

Malia wakamba ne, Muoyo wanyi udi utumbisha Mukelenge,

Bienzedi 19:17

Bualu ebu buakadi bumanyibua kudi bonso, ne Bena Yuda ne Bena Gelika, bakadi bashikama mu Efeso; buowa buakakuata buonso buabo, dina dia Mukelenge Yesu diakadi ditumbishibua.

Filipe 1:20

Mbu mudi dialamina dianyi dikole ne ditekemena dianyi ne, tshiena nfuishibua bundu nasha mu bualu bumue; kadi bu munakamana kuenza misangu yonso ne dikima dionso, nunku katataka Kilisto neatumbishibue mu mubidi wanyi, nasha buikala ku muoyo Bau, nasha buikala ku lufu luau.

Didimanyisha 14:7

udi wamba ne dî dikole ne, Nutshine Nzambi, numutumbishe, bualu bua diba dia dilumbuluisha diandi diakulua; nukukuile yeye wakafuka diulu ne buloba ne mai manene ne mishimi ya mai.