Misambu 26:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Tshiena mushikame ne bantu badi balonda malu a mashimi, tshiena mbuelakana ne badi basokoka malu mabi abo mu lubombo.

MUKANDA WA MYIDI MUKULU

⁴ Tshiena ngendakana ne bantu babi, tshiena ngumvuangana ne bena mpala ibidi.

Misambu 26:4 Marejeleo ya Msalaba

Yobe 31:5

Bingikala muende ne mashimi, bikala dikasa dianyi diye lubilu bua kudinga bantu,

Misambu 1:1

Disanka didi kudi muntu udi kayi ulonda lungenyi lua bantu babi, udi kayi wimana mu nshila diatshimue ne benji ba malu mabi, udi kayi mushikame mu tshisombelu tshia babuidi.

Misambu 101:4

Mutshima udi ne tshishiku neumuke kundi, tshiena musue kumanya bualu bubi.

Misambu 119:115

Nuenu benji ha malu mabi, umukai kundi, bua meme kutumikila mikenji ya Nzambi wanyi.

Misambu 119:63

Ndi mulunda wa bonso badi bakunemeka, ne wa bonso badi benza bu mudi mei ebe amba.

Nsumuinu 12:11

Udi udima budimi buandi neikale ne bia kudia bia bungi, kadi udi ulonda malu a hatuhu kena ne lungenyi.

Nsumuinu 13:20

Udi wenda ne bena meji udi ulua muena meji, kadi udi ubuelakana ne bahote neakenge bua bualu ebu.

Nsumuinu 9:6

Lekelai kutshimbakana, nuikale ne muoyo, nuende mu nshila wa dijingulula dia mianda.

Yirmeya 15:17

Tshiakashikama munkatshi mua bakadi ne tuseku, tshiakaseka nʼabo tuseku; nakashikama ha nkayanyi, bualu bua bujitu bua tshianza tshiebe; bualu bua wewe wakungusha tente ne kanyinganyinga.

1 Korente 15:33

Kanudingibu; malunda mabi adi anyanga malu makane a bantu.

2 Korente 6:17

Nunku umukai munkatshi muabo, nuikale batahuluke, bu mudi Mukelenge wamba; Kanulengi tshintu tshibiha, ne meme nenuitabushe,