Misambu 146:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Yehowa udi utabasha mesu a bafofo; Yehowa udi ubisha bantu badi biname hanshi; Yehowa udi unanga bantu bakane.

MUKANDA WA MYIDI MUKULU

⁸ Maweja-Nangila udi utabaja mpofu, ubandulula badi biname, munange badi bamulamata.

Misambu 146:8 Marejeleo ya Msalaba

Misambu 11:7

Bualu bua Yehowa udi muakane; udi unanga buakane; bantu badi bakane nebamonangane nʼandi ku mesu.

Misambu 145:14

Yehowa udi wimanyika bonso badi bamba kuhona, udi ubisha bonso badi biname hanshi.

Misambu 147:6

Yehowa udi wimanyika bahuekele, udi wela bantu babi hanshi ha buloba.

Yeshaya 35:5

Mu dituku adi mesu a mufofo matabale, matshu a badi ne mahaha neajikuke.

Yeshaya 42:16

Nenye ne bafofo mu nshila udibo kabayi bamanye; nembalombole mu nshila idibo kabayi bamanye; nenkudimune mîdima bu munya ku mpala kuabo, ne miaba ya bizakalabizakala bu miaba milandakane. Au mmalu andi ngenza, tshiena mpanga mua kuashikisha.

Yeshaya 42:18

Unvuai, bena mahaha, ne nuenu bantu bafofo, joshai talalâ bua nuenu numone!

Matayi 11:5

bafofo badi batabala, balema badi benda, bena nsudi badi balengeshibue, bena mahaha badi bunvua, bafue badi babishibua ku lufu, badi bambila bahele lumu luimpe lua Nzambi,

Matayi 9:30

Mesu abo akabuluka. Yesu wakabakandika ne, Muntu mukuabo kamanyi bualu ebu.

Yowanane 16:27

bua Tatu mene udi munusue, bualu bua nuenu nuakunsua meme, nuakuitabusha ne, Nakafuma kudi Tatu.

Bienzedi 26:18

bua wewe kubulula mesu abo, bakome nyima ku midima batangile ku munya, bakoma nyima ku bukole bua Satana batangile kudi Nzambi, bua bobo bahete dijimisha dia mibi yabo ne buhianyi munkatshi mua badi balengeshibue ku ditabusha didibo bangitabusha nʼadi.

2 Korente 7:6

Kadi Nzambi, udi usamba bantu buhuekela, wakatusamba mu kulua kua Tito;

Efeze 1:18

ne bua yeye anumunyikile mesu a mu mitshima yenu, bua nuenu kumanya didi ditekemena dia kunubikila kuandi, ne budi bubanshi bua butumbi bua buhianyi buandi mu basanto,

Dielulula 33:3

Bulelela, yeye udi unanga bantu bonso, bantu bandi bonso ba tshijila hadi mu tshianza tshiebe: bobo bakashikama hanshi ku makasa ebe, bua kunvua mei ebe.

1 Petro 2:9

Kadi nuenu nudi tshisamba tshisungudibua, ne bakuidi ba bukelenge, ne tshisamba tshia tshijila, bantu badi bikale ba Nzambi muine, bua nuenu nuambe bua buimpe bua Nzambi wakanubikila bua kunuhatula mu mîdima bua kunubuesha mu munya wandi wa dikema.