Misambu 141:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Kadi mesu anyi adi kûdi wewe, Yehowa Mukelenge; ndi nkueyemena wewe; kushiyi muoyo wanyi hatuhu.

MUKANDA WA MYIDI MUKULU

⁸ Maweja-Nangila, Mvidi Mukulu wanyi, mesu anyi mmatangile kuudi, ndi nyemena kuudi, ulame muoyi wanyi.

Misambu 141:8 Marejeleo ya Msalaba

2 Kulondolola 20:12

Nzambi wetu, kuena ubalumbuluishe, anyi? Bualu bua tuetu katuena ne bukole bua kuluangana ne tshisumbu etshi tshinene tshilualua kutuluisha, katuena bamanye mua kuenza; kadi mesu etu adi kûdi.

Misambu 102:17

Neateleje matshu andi ku kulomba kua bakengi, kena ulengulula mulombu wabo.

Misambu 11:1

Ndi nyemena kudi Yehowa; munyi munudi nungambila ne, Unyeme bu nyunyu ku mukuna webe?

Misambu 2:12

Nuluangane mishiku ne muana wandi wa balume, bua yeye kikadi ne tshiji, ne bua nuenu kanujiminyi mu nshila. Bualu bua tshiji tshiandi tshidi tshitemeshibua lukasa. Disanka didi kudi bonso badi bamueyemena!

Yeshaya 41:17

Bahele ne badi bakenga badi bakeba mai, ne kaenaku, ne ha ndimi yabo hadi hatumba kûma bualu bua nyota. Meme Yehowa nengitabe kudibo; meme Nzambi wa Isalele tshiena mbalekela.

Yowanane 14:18

Tshiena nushîa bana ba nshîe, nempingane kunudi.